Izrail qaýipsizdik kúshi Iordan ózeniniń batys jaǵalaýyndaǵy Djenin aýdanynda palestinalyq jasóspirimge oq atyp óltirip, taǵy úsh adamdy jaraqattady, dep habarlaidy QazAqparat WAFA Palestina aqparat agenttigine silteme jasap.
Sársenbi kúni tańerteń Izrail áskeri Djeninge jáne oǵan jaqyn Kabatiia qalasyna tań ata shabýyl jasap, terrorizmge kúdikti retinde tanylǵan palestinalyqtardy tutqyndamaq bolǵan. Atys kezinde Palestinanyń 20 jastaǵy azamaty qaza tapty.
Sarbazdar 7 sáýir kúni Tel-Avivtiń barynda oq atyp, úsh adamdy óltirgen palestinalyq Raad Hazemniń úiin qiratý týraly buiryq alǵan.
«Biz terrorist emespiz. Biz óz jerimizdi, elimizdi, sondai-aq paiǵambarymyzdyń jolyn qorǵap jatyrmyz», - dedi Hazemniń ákesi Fathi palestinalyq BAQ-qa.
Palestina qaýipsizdik qyzmetiniń burynǵy qyzmetkeri ulynyń lańkestik áreketin birneshe ret maqtaǵan.
Aita keteiik, bes palestinalyq Djenin aýdanynda ustaldy. Palestinalyq BAQ olardyń birin Asim Abý al-Heidj dep atady. Ol HAMAS palestinalyq qozǵalysynyń joǵary shendi sheneýniginiń uly, dep habarlaidy Times of Israel Izrail áskerilerine silteme jasap.
