Áigili akter Djeki Chan qazaqstandyqtarǵa videojoldaý joldap, koronavirýsqa qarsy kúreste qoldaý bildirdi, dep habarlaidy "Ult aqparat".
Akterdyń videojoldaýyn óziniń instagram paraqshasynda Memleket basshysynyń keńesshisi Erlan Qarin jariialady.
«Meniń esimim – Djeki Chan. Apattar ádette qatigez. Biraq adamdardyń júreginiń aldyndaǵy mahabattyń aldynda olar da dármensiz. Biz mindetti túrde bir-birimizge kómektesýimiz kerek. Sonda ǵana virýsqa qarsy kúreste jeńip shyǵamyz. Myqty bol, Qytai! Myqty bol, Qazaqstan! Biz birgemiz!», - deidi Djeki Chan.
Aita ketsek osydan birshama ýaqyt buryn birqatar BAQ-ta akter koronavirýs juqtyrǵany jaily aqparat shyqqan edi. Sonyń ishinde sheteldik tilshiler Djeki Channyń Gonkongtegi keshinen keiin karantinge jatqyzylǵanyn jazǵan edi. Alaida akter bul aqparatty joqqa shyǵardy.
