Sońǵy bes jylda islam elderindegi teraktilerden 200 myńnan astam qaza taýyp, jaralanǵan. Deutsche Welle agenttiginiń habarlaýynsha, bul týraly Er-Riiadta ótken Terrorizmge qarsy islam áskeri koalitsiiasynyń alǵashqy kezdesýine qatysqandar aitty.
Musylman elderinde bes jyl ishinde terrorizmmen kelgen shyǵyn 350 milliard dollarǵa jetken. Qurbandardyń 70 paiyzdan astamy Irak, Aýǵanstan, Pákistan jáne Nigeriiada tirkelgen.
Terrorizmge qarsy islam áskeri koalitsiiasynyń qurylǵany týraly 26 qarashada Er-Riiadta habarlanǵan. Koalitsiiaǵa negizinen súnnittik elder qosylǵan. Odaqtastar terrorizmmen kúreste áskeri, qarjylyq jáne saiasi múmkindikterin birge jumsamaq.
