Halyqaralyq túrki mádenieti men ónerin birlesip damytý (TÚRKSOI) uiymynyń Bas hatshysy bolyp Dúisen Qaseiinov qaita sailandy. Túrkistanda ótken TÚRKSOI Turaqty Keńesiniń 35-shi otyrysynyń músheleri daýys berip, onyń kandidatýrasy qaita úsh jylǵa sailaý týraly ortaq sheshimge keldi, dep habarlaidy "Ult aqparat".
Turaqty keńestiń sheshimimen Dúisen Qaseiinov Bas hatshy bolyp qatarynan tórtinshi merzimge sailanyp otyr.
Aita keteiik, Dúisen Qurabaiuly 2003-2004 aralyǵynda Qazaqstannyń Mádeniet ministri boldy. Ol uiymǵa basshylyq etken 2008 jyldan beri kóp sharýalar atqardy. Uiymnyń bedelin kóterip, ony túrki birligin nyǵaitatyn iri qurylymǵa ainaldyra aldy.
Al, TÚRKSOI túrki tildes elderdiń óneri men mádenietin dáripteitin sharalardy kóptep uiymdastyrady. TÚRKSOI quramyna búginde túrki tildes elder kiredi. Onyń ishinde egemendi elder, federaldy sýbektiler men avtonomdy aimaqtar bar.
Eske salaiyq, búgin Túrki áleminiń 2017 jylǵy mádeni astanasy atanǵan Túrkistan qalasynda TÚRKSOI halyqaralyq uiymy turaqty Keńesiniń 35-shi otyrysy ótken edi.
Turaqty keńes otyrysyna Halyqaralyq túrki mádenieti uiymynyń Bas hatshysy Dúisen Qaseiinov, Ońtústik Qazaqstan oblysynyń ákimi Janseiit Túimebaev, QR Mádeniet jáne sport ministri Arystanbek Muhamediuly, Túrkiia Respýblikasynyń Mádeniet jáne týrizm ministri Nýman Kýrtýlmýsh, Qyrǵyz Respýblikasynyń Mádeniet, aqparat jáne týrizm ministri Sultanbek Jumaǵulov jáne TÚRKSOI múshe elderdiń mádeniet ministrlikteriniń ókilderi, mádeniet qairatkerleri men túrki keńesi, túrkitildes memleketteriniń parlamenttik Assambleiasy, halyqaralyq túrki akademiiasy, túrki mádeni miras qory sekildi halyqaralyq uiymdardyń ókilderi qatysty.
