Densaýlyq saqtaý ministri Eljan Birtanov meditsinalyq maskalarǵa qatysty dúrligýdiń qajettigi joǵyn málim etti, dep habarlaidy "Ult aqparat".
«Bosqa dúrligýdiń qajeti joq. Maskalar tek aýrý adamdar úshin qajet. Eger karantinde bolsańyz, sizge de kerek. Al qoǵamdyq oryndarda syrqattanǵan adamdar úshin ǵana qajet. Turmystyq maskalar jetkilikti dep esepteimiz. Óndirýshiler shyǵaryp jatyr», - dedi Eljan Birtanov OKQ-da ótken baspasóz máslihatynda.
Ol sonymen qatar shyǵarylǵan maskalar shetelge satylyp ketpeýi úshin vedomstvo qolǵa alyp jatqan sharalar týraly da aityp berdi.
«Taýarlar men qyzmetterdiń sapasy jáne qaýipsizdigin saqtaý boiynsha komitettiń sheshimimen maskalar shetelge ketpeýi úshin satýǵa tyiym salyndy. Kóptegen elder qorǵaý normalaryn engizip, maskalardyń eksportyn shektep otyr», - dedi ministr.
Eske sala ketsek, buǵan deiin Densaýlyq saqtaý ministri Eljan Birtanov eldegi meditsinalyq maskalar men ózge de qajetti quraldardyń kólemi qansha ekenin aitqan edi.
