Kúlásh Baiseiitova atyndaǵy Qazaq ulttyq óner ýniversiteti kolledjiniń «Estradalyq vokal» mamandyǵynda bilim alyp jatqan 3-kýrs stýdenti Jasmina Tileýmbetova Qyrǵyzstandaǵy VI Dúniejúzilik kóshpendiler oiyndary aiasynda ótken Echo of Nomads halyqaralyq etnikalyq án baiqaýynda ekinshi oryn ielendi, dep habarlaidy ult.kz.
Baiqaýǵa álemniń 20 elinen ónerpazdar qatysty. Eń jas qatysýshylardyń biri bolǵan Jasmina dástúrli jáne etnikalyq mýzyka salasyndaǵy tájiribeli oryndaýshylarmen qatar óner kórsetip, baiqaý qorytyndysy boiynsha kúmis júldege ie boldy.
Jas ánshi halyqaralyq sahnada E.Tilepberdievtiń sózine, B.Tájinovtyń mýzykasyna jazylǵan «Uly dala iesi» ánin oryndady. Uly dalany, ulttyq mádeniet pen rýhani murany arqaý etken týyndyǵa halyqaralyq qazylar alqasy joǵary baǵa berdi.
Echo of Nomads baiqaýy VI Dúniejúzilik kóshpendiler oiyndary aiasynda ótti. Biyl oiyndarǵa 120 eldiń ókilderi qatysyp, sonyń ishinde 62 memleket mádeni is-sharalarda óner kórsetti. Sporttyq jarystarmen qatar, baǵdarlamada etnomádeni jobalar, ǵylymi alańdar men halyqaralyq shyǵarmashylyq baiqaýlar uiymdastyryldy.
