Dúniejúzinde búginge deiin koronavirýs juqtyrǵandar 89 myń adamnan asty. 2019 jyldyń jeltoqsanynda COVID-19 koronavirýs infektsiiasy bastalǵaly 3046 adam ólip, 45 113 adam jazylyp shyqqan. WorldOmeter aqparat resýrsynda jariialanǵan sońǵy derekter osyndai.
Bir ǵana Italiiada 1700 adam juqtyryp, 34 adam ólgen. 500-den astam adam sońǵy táýlikte juqtyrǵan.
Chehiia úkimeti jeksenbi kúni Chehiiada úsh adamnyń koronavirýsqa shaldyqqanyn habarlady. Úsheýi de Italiiaǵa baryp kelgen.
1 naýryzda Parijde, adam kóp keletin Lývr mýzeii ashylmady. Mýzei qyzmetkerleri koronavirýstan qaýiptengen. France-Press agenttiginiń habarlaýynsha, mýzeidiń 300 qyzmetkeri koronavirýs qaýpi tónip tur degen ýájben jumysqa shyqpai qalǵan.
Frantsiia zańy boiynsha, ómiri men densaýlyǵyna qater tónse qyzmetkerdiń óz mindetin oryndamaýǵa quqyǵy bar jáne onyń jalaqysy tolyǵymen saqtalady, shara qoldanylmaidy dep habarlaidy Halyqaralyq frantsýzskoe radiosy (RFI — Radio Francais International).
Frantsiiada 130 adam koronavirýs juqtyryp, eki adam ólgen.
