QR Mádeniet jáne sport ministrliginiń Sport jáne dene shynyqtyrý isteri komiteti III Dúniejúzilik kóshpendiler oiyndary Qazaqstan kókparshylarynyń qatysatynyn rastady, dep habarlaidy "Ult aqparat".
Aita ketsek, buǵan deiin birqatar BAQ betteri men áleýmettik jelilerde Qyrǵyz Respýblikasynda ótip jatqan III Dúniejúzilik kóshpendiler oiyndarynda kókpardan Qazaqstan quramasy jalǵa at ala almaýy sebepti oiynǵa qatysa almaityny týraly aqparat shyqqan bolatyn.
«Kúni keshe kóptegen qazaqstandyq jáne qyrǵyzstandyq BAQ Kókpardan Ulttyq quramanyń III Búkilálemdik kóshpendiler oiyndaryna qatysýdan bas tartqany jóninde aqparat shyqqan bolatyn. Bizdiń taraptyń uiymdastyrýshylarǵa oiynnyń erejeleri boiynsha suraqtary týyndady. Búgingi tańda barlyq másele sheshildi. Bizdiń komanda oiyndarǵa qatysady, eshkim eshqaida ketken joq. Erteń ulttyq qurama Reseidiń Krasnoiarsk ólkesinen kelgen komandamen kezdesedi», - dedi QR Mádeniet jáne sport ministrliginiń Sport jáne dene shynyqtyrý isteri komitetiniń baspasóz hatshysy Raýhan Toǵymbaeva óziniń Feisbýk paraqshasynda.
