Foto: WNG2024
Ulttyq qurama enshisinde 48 medal, Qazaqstan ázirge 1 orynda tur, dep habarlaidy "Ult Aqparat" QR Týrizm jáne sport ministrliginiń «Ulttyq jáne at sporty túrleri ortalyǵynyń» baspasóz qyzmetine silteme jasap.
ULTTYQ QURAMA SPORTShYLARYNYŃ JARYS KESTESI:
Kókpardan Qazaqstan ulttyq quramasy saǵat 11.00-de Resei komandasymen kezdesip, finalǵa joldamany sarapqa salady. Jarys «Qazanat» ippodromynda ótedi.
Ippodromda saǵat 15.00-de kók bórúden jartylai final oiyndary bastalady. Qazaqstan men Túrkiia, odan keiin Qyrǵyzstan men Resei quramasy óz aralarynda finalǵa kim shyǵatynyn anyqtaidy.
Al ippodrom mańyndaǵy etnoaýylda saǵat 9.00-de jamby atý sportynyń jamby stilinen qazaqstandyq sportshylar synǵa túsedi. Qazaqstan quramasy sapynda Aitbek Sarybai, Eralhan Aikóz, Batyr Beksaýyt, Abzal Týlybekov óner kórsetedi.
Etnoaýylda saǵat 10.00-de powerful nomad sportynan absoliýtti salmaq dárejesinde Azamat Maqulbekov synǵa túsedi. Final 16.00-de ótedi.
«Arǵymaq» at-sport kesheninde saǵat 10.00-de dástúrli sadaq atýdan úshinshi jarys kúni «Jamby» nysanasy boiynsha irkteý syny bastalady. Qazaqstan quramasy sapynan 10 sportshy qatysady. Áielder: Dinara Jaqsylyqova, Fariza Sabyrjan, Aikórkem Batihan jáne Ajar Tóleýqanova. Erler: Erbol Tapenov, Baqbergen Sálimov, Qasymhan Qanat, Marat Beksultan, Maqsat Ábdikerimov jáne Jánibek Qulmyrzaev.
Jaqsylyq Úshkempirov atyndaǵy Jekpe-jek saraiynda saǵat 10.00-de qyrǵyzdyń ulttyq belbeý kúresi alyshtan erler men áielderdiń árqaisy 6 salmaq dárejesinde synǵa túsedi. El namysyn erler arasynda Qalmuhan Turmahanbet (60 keli), Nurjan Sarsenǵaliev (70 keli), Ádilet Jańbyrshy (80 keli), Birjan Shaimerden (90 keli), Bekbol Nurlanuly (100 keli), Nurdaýlet Jarylǵapov (+100 keli) qorǵaidy. Áielder arasynda Nazerke Ábiltaeva (55 keli), Arailym Rakish (60 keli), Ainur Aqjigitova (65 keli), Asyljan Orynbasarova (70 keli), Perizat Nurlanqyzy (75 keli) jáne Arailym Orazbai (+75 keli) synǵa túsedi.
«Alaý» muz saraiynda saǵat 10.00-de arqan tartystan irikteý syny bastalady. Erler arasyndaǵy synǵa Qazaqstan, Resei, Qyrǵyzstan, Ózbekstan, Pákistan jáne Angliia quramasynyń 87 sportshysy qatysady. Ár quramadaǵy sportshylardyń salmaǵynyń qosyndysy 720 keliden asyp ketpeý kerek. Al áielder arasynda (560 keli) 4 qurama tirkeldi. Olar, Qazaqstan, Resei, Qyrǵyzstan jáne Ózbekstan. Al júldeli oryndar saǵat 17.30-da sarapqa salynady. Ulttyq qurama sapynda Ermek Japishev, Azamat Ýaliev, Dinislam Shakirtov, Rýslan Jambýlov, Damir Baigonov, Stanislav Peniaev, Artem Sýpanev, Daýren Sharipov, Timýr Endoianov, Almas Júnis bar. Áielder quramasy: Aigerim Jumanova, Aijan Beisebaeva, Ańsaǵan Shaiahmetova, Raziia Musabaeva, Aliia Shakirova, Ainur Súiindikova, Nursáýle Rahmatýllina, Madina Shyńǵysbaeva, Aqjan Qaiyrbaeva, Ainagúl Baijigitova.
«Alaý» muz saraiynda saǵat 10.00-de asyq atý men bes asyqtan finaldyq syn bastalady. Asyq atýdan erler quramasy Qyrǵyzstan quramasyna qarsy oinaidy. Bes asyq saiysynda Qazaqstan áielder quramasy Reseige qarsy óner kórsetedi. Asyq atýdan el namysyn Nýrkissa Moljigitov, Jomart Nurlanov, Kerim Jazdyqbai, Amandos Aitkulov, bes asyqtan Perizat Elemes, Kamila Daniiarova, Saniia Ásker jáne Kógershin Dýman qorǵaidy.
«Dýman» qonaq úi jáne sport kesheninde toǵyzqumalaqtan finaldyq oiyndar ótedi. Toǵyzqumalaqtan ulttyq qurama sapynda Beksultan Bostandyqov, Ersultan Áýelbai, Móldir Serikqyzy jáne Qojanasyr Ańsaǵan óner kórsetip jatyr.
