فوتو: WNG2024
ۇلتتىق قۇراما ەنشٸسٸندە 48 مەدال, قازاقستان ەزٸرگە 1 ورىندا تۇر, دەپ حابارلايدى "ۇلت اقپارات" قر تۋريزم جەنە سپورت مينيسترلٸگٸنٸڭ «ۇلتتىق جەنە ات سپورتى تٷرلەرٸ ورتالىعىنىڭ» باسپاسٶز قىزمەتٸنە سٸلتەمە جاساپ.
ۇلتتىق قۇراما سپورتشىلارىنىڭ جارىس كەستەسٸ:
كٶكپاردان قازاقستان ۇلتتىق قۇراماسى ساعات 11.00-دە رەسەي كومانداسىمەن كەزدەسٸپ, فينالعا جولدامانى ساراپقا سالادى. جارىس «قازانات» يپپودرومىندا ٶتەدٸ.
يپپودرومدا ساعات 15.00-دە كٶك بٶرٷدەن جارتىلاي فينال ويىندارى باستالادى. قازاقستان مەن تٷركييا, ودان كەيٸن قىرعىزستان مەن رەسەي قۇراماسى ٶز ارالارىندا فينالعا كٸم شىعاتىنىن انىقتايدى.
ال يپپودروم ماڭىنداعى ەتنواۋىلدا ساعات 9.00-دە جامبى اتۋ سپورتىنىڭ جامبى ستيلٸنەن قازاقستاندىق سپورتشىلار سىنعا تٷسەدٸ. قازاقستان قۇراماسى ساپىندا ايتبەك سارىباي, ەرالحان ايكٶز, باتىر بەكساۋىت, ابزال تۋلىبەكوۆ ٶنەر كٶرسەتەدٸ.
ەتنواۋىلدا ساعات 10.00-دە powerful nomad سپورتىنان ابسوليۋتتٸ سالماق دەرەجەسٸندە ازامات ماقۇلبەكوۆ سىنعا تٷسەدٸ. فينال 16.00-دە ٶتەدٸ.
«ارعىماق» ات-سپورت كەشەنٸندە ساعات 10.00-دە دەستٷرلٸ ساداق اتۋدان ٷشٸنشٸ جارىس كٷنٸ «جامبى» نىساناسى بويىنشا ٸركتەۋ سىنى باستالادى. قازاقستان قۇراماسى ساپىنان 10 سپورتشى قاتىسادى. ەيەلدەر: دينارا جاقسىلىقوۆا, فاريزا سابىرجان, ايكٶركەم باتيحان جەنە اجار تٶلەۋقانوۆا. ەرلەر: ەربول تاپەنوۆ, باقبەرگەن سەلٸموۆ, قاسىمحان قانات, مارات بەكسۇلتان, ماقسات ەبدٸكەرٸموۆ جەنە جەنٸبەك قۇلمىرزاەۆ.
جاقسىلىق ٷشكەمپٸروۆ اتىنداعى جەكپە-جەك سارايىندا ساعات 10.00-دە قىرعىزدىڭ ۇلتتىق بەلبەۋ كٷرەسٸ الىشتان ەرلەر مەن ەيەلدەردٸڭ ەرقايسى 6 سالماق دەرەجەسٸندە سىنعا تٷسەدٸ. ەل نامىسىن ەرلەر اراسىندا قالمۇحان تۇرماحانبەت (60 كەلٸ), نۇرجان سارسەنعاليەۆ (70 كەلٸ), ەدٸلەت جاڭبىرشى (80 كەلٸ), بٸرجان شايمەردەن (90 كەلٸ), بەكبول نۇرلانۇلى (100 كەلٸ), نۇرداۋلەت جارىلعاپوۆ (+100 كەلٸ) قورعايدى. ەيەلدەر اراسىندا نازەركە ەبٸلتاەۆا (55 كەلٸ), ارايلىم راكيش (60 كەلٸ), اينۇر اقجٸگٸتوۆا (65 كەلٸ), اسىلجان ورىنباساروۆا (70 كەلٸ), پەريزات نۇرلانقىزى (75 كەلٸ) جەنە ارايلىم ورازباي (+75 كەلٸ) سىنعا تٷسەدٸ.
«الاۋ» مۇز سارايىندا ساعات 10.00-دە ارقان تارتىستان ٸرٸكتەۋ سىنى باستالادى. ەرلەر اراسىنداعى سىنعا قازاقستان, رەسەي, قىرعىزستان, ٶزبەكستان, پەكٸستان جەنە انگلييا قۇراماسىنىڭ 87 سپورتشىسى قاتىسادى. ەر قۇراماداعى سپورتشىلاردىڭ سالماعىنىڭ قوسىندىسى 720 كەلٸدەن اسىپ كەتپەۋ كەرەك. ال ەيەلدەر اراسىندا (560 كەلٸ) 4 قۇراما تٸركەلدٸ. ولار, قازاقستان, رەسەي, قىرعىزستان جەنە ٶزبەكستان. ال جٷلدەلٸ ورىندار ساعات 17.30-دا ساراپقا سالىنادى. ۇلتتىق قۇراما ساپىندا ەرمەك جاپيشەۆ, ازامات ۋاليەۆ, دٸنيسلام شاكيرتوۆ, رۋسلان جامبۋلوۆ, دامير بايگونوۆ, ستانيسلاۆ پەنياەۆ, ارتەم سۋپانەۆ, داۋرەن شاريپوۆ, تيمۋر ەندويانوۆ, الماس جٷنٸس بار. ەيەلدەر قۇراماسى: ايگەرٸم جۇمانوۆا, ايجان بەيسەباەۆا, اڭساعان شاياحمەتوۆا, رازييا مۇساباەۆا, الييا شاكيروۆا, اينۇر سٷيٸندٸكوۆا, نۇرسەۋلە راحماتۋللينا, مادينا شىڭعىسباەۆا, اقجان قايىرباەۆا, ايناگٷل بايجٸگٸتوۆا.
«الاۋ» مۇز سارايىندا ساعات 10.00-دە اسىق اتۋ مەن بەس اسىقتان فينالدىق سىن باستالادى. اسىق اتۋدان ەرلەر قۇراماسى قىرعىزستان قۇراماسىنا قارسى وينايدى. بەس اسىق سايىسىندا قازاقستان ەيەلدەر قۇراماسى رەسەيگە قارسى ٶنەر كٶرسەتەدٸ. اسىق اتۋدان ەل نامىسىن نۋركيسسا مولجٸگٸتوۆ, جومارت نۇرلانوۆ, كەرٸم جازدىقباي, اماندوس ايتكۇلوۆ, بەس اسىقتان پەريزات ەلەمەس, كاميلا دانيياروۆا, سانييا ەسكەر جەنە كٶگەرشٸن دۋمان قورعايدى.
«دۋمان» قوناق ٷي جەنە سپورت كەشەنٸندە توعىزقۇمالاقتان فينالدىق ويىندار ٶتەدٸ. توعىزقۇمالاقتان ۇلتتىق قۇراما ساپىندا بەكسۇلتان بوستاندىقوۆ, ەرسۇلتان ەۋەلباي, مٶلدٸر سەرٸكقىزى جەنە قوجاناسىر اڭساعان ٶنەر كٶرسەتٸپ جاتىر.
