Dúniejúzilik densaýlyq saqtaý uiymy (DDU) jańa koronavirýstyń órshýi pandemiia deńgeiine jetkenin jariialady. Sebebi virýs kóptegen elde jáne qurlyqtarda tarap úlgerdi, dep habarlaidy "Ult aqparat" VVS-ǵa silteme jasap.
«Buǵan deiin koronavirýs týdyrǵan pandemiiamen betpe-bet kelgen emespiz. Jáne baqylaýda ustaýǵa bolatyn pandemiiamen eshqashan kúresken emespiz. [...] 114 elde tirkelgen 118 myń jaǵdaidyń 90 paiyzdan astamy tórt memlekette anyqtalyp otyr. Onyń ekeýinde – Qytai jáne Ońtústik Koreiada syrqattanǵandar sany aitarlyqtai azaidy», - dep málimdedi DDU.
DDU basshysy Tedros Adhanom Gebreiesýs Covid-19 taralýynyń jańa klassifikatsiiasy jańa koronavirýspen qalai kúresý kerektigi týraly usynystarǵa ózgeris engizbeidi.
«Jaǵdaidy pandemiia dep jariialaý DDU-nyń atalmysh koronavirýstan keletin qaýiptiń baǵalaýyn esh ózgertpeidi. Bul DDU jasap jatqan sharalarǵa jáne elder jasaýy tiis sharalarǵa áser etpeýi tiis», - delingen uiymnyń aqparatynda.
Osy rette, Tedros Adhanom Gebreiesýs el úkimetterin «shuǵyl ári agressivti sharalar» qabyldaýǵa úndedi.
Al DDU-nyń Facebook-tegi resmi paraqshasynda keltirilgen uiym basshysynyń sózine súiensek, aldaǵy kúnderi virýstyń órshýi kútilip otyr.
«Taiaý kúnderi jáne taiaý aptada COVID-19-ti juqtyrý faktileri, ólim jaǵdailary jáne zardap shekken elder sany budan da artatynyn boljap otyrmyz. DDU bul indetke táýlik boiy baǵalaý júrgizýde jáne biz onyń taralý jyldamdyǵyna, aýyrlyǵyna, sondai-aq sharasyz otyrýdyń qaýipti deńgeiine alańdaýshylyq bildiremiz. Sondyqtan COVID-19-da pandemiia dep sipattaýǵa bolady degen baǵalaý jasadyq», - dedi T. Gebreiesýs.
Dúniejúzilik densaýlyq saqtaý uiymynyń terminologiiasyna sáikes, epidemiia – aýrýdyń bir óńirde kenetten taraýy. Al pandemiia – aýrýdyń álem boiynsha beleń alýy.
11 naýryzdaǵy jaǵdai boiynsha, koronavirýsty 118 elde 118 140 adam juqtyrdy, 4293 adam kóz jumdy.
