Dúniejúzilik bank (DB) "Tájiktelekom" kompaniiasy eldiń bailanys salasynyń baqylaýynan shyǵýy tiis dep málimdedi. Bul jóninde DB-nyń Tájikstandaǵy ókili Ian-Peter Olters sandyq ekonomika boiynsha ótken onlain-konferentsiia kezinde málimdedi.
"Tájiktelekom" - qazir eldi internetpen qamtamasyz etýshi jalǵyz kompaniia. Onyń ústine aýyl-aimaqtarda internet bailanysy nashar. Al, Tájikstanda halyqtyń 70 paiyzy aýyldyq jerlerde turady.
DB málimetine sáikes, 2019 jyly árbir júz qala turǵynynyń tek bireýiniń úiinde ǵana internet, 35 protsentinde mobildi internet bolǵan.
Baddikom uiymynyń zertteýi boiynsha, internet jyldamdyǵy jaǵynan Tájikstan álemde 124-orynda tur. Onyń ústine internet bailanysy eń qymbat aimaqqa jatady – 1 gigabait orta eseppen 20 somoni (2 dollar) turady.
