دٷنيەجٷزٸلٸك بانك (دب) "تەجٸكتەلەكوم" كومپانيياسى ەلدٸڭ بايلانىس سالاسىنىڭ باقىلاۋىنان شىعۋى تيٸس دەپ مەلٸمدەدٸ. بۇل جٶنٸندە دب-نىڭ تەجٸكستانداعى ٶكٸلٸ يان-پەتەر ولتەرس ساندىق ەكونوميكا بويىنشا ٶتكەن ونلاين-كونفەرەنتسييا كەزٸندە مەلٸمدەدٸ.
"تەجٸكتەلەكوم" - قازٸر ەلدٸ ينتەرنەتپەن قامتاماسىز ەتۋشٸ جالعىز كومپانييا. ونىڭ ٷستٸنە اۋىل-ايماقتاردا ينتەرنەت بايلانىسى ناشار. ال, تەجٸكستاندا حالىقتىڭ 70 پايىزى اۋىلدىق جەرلەردە تۇرادى.
دب مەلٸمەتٸنە سەيكەس, 2019 جىلى ەربٸر جٷز قالا تۇرعىنىنىڭ تەك بٸرەۋٸنٸڭ ٷيٸندە عانا ينتەرنەت, 35 پروتسەنتٸندە موبيلدٸ ينتەرنەت بولعان.
Baddikom ۇيىمىنىڭ زەرتتەۋٸ بويىنشا, ينتەرنەت جىلدامدىعى جاعىنان تەجٸكستان ەلەمدە 124-ورىندا تۇر. ونىڭ ٷستٸنە ينتەرنەت بايلانىسى ەڭ قىمبات ايماققا جاتادى – 1 گيگابايت ورتا ەسەپپەن 20 سوموني (2 دوللار) تۇرادى.
