Dúniejúzilik banktiń baǵalaýynsha, Qazaqstan sońǵy jyly «Jemqorlyqty baqylaý» indikatory boiynsha kórsetkishterdi eki ret jaqsartqan. Bul týraly elordada ótken V Jyl saiynǵy sybailas jemqorlyqqa qarsy konferentsiiada aityldy, dep habarlaidy QazAqparat.
«Álemdegi kóptegen memlekette jemqorlyq ekonomikanyń jaqsy damýyna kedergi keltirip eń bastysy, azamattardyń quqyqtary men ál-aýqatyna tosqaýyl bolyp, memlekettik institýtqa degen senimdi joǵaltady. Túbegeili jáne kelisimge kelýsiz jemqorlyqpen kúres bastamasyn Ult kóshbasshysy Nursultan Nazarbaev bastap, qazirgi Memleket basshysy Qasym-Jomart Toqaev jalǵastyryp keledi. QR Prezidenti halyqqa Joldaýynda jemqorlyqpen júieli túrde kúresý kerektigin birneshe ret aityp ótken», - deidi QR Memlekettik hatshysy Qyrymbek Kósherbaev.
Onyń aitýynsha, Qazaqstan BUU-nyń Jemqorlyqqa qarsy konventsiiasynyń tolyq quqyly múshesi.
«Bizde otandyq jáne halyqaralyq tájiribege negizdelgen zańnamalyq baza jasaldy. Halyqtyń ál-aýqatyn kóterýdi maqsat ete otyryp, qoǵamdy jemqorlyqtan azat qylatyn damýdyń jańa modelin anyqtaimyz. Osy maqsatta memlekettik qyzmette aýqymdy reforma bolyp, innovatsiialyq damýǵa negizdelgen kásibi memlekettik apparat qurylýda. Biznes pen investitsiiany qorǵaityn nátijeli mehanizm qurylyp, qoǵamdyq baqylaý keńistigi ulǵaiýda. Memlekettik qyzmet salasynda tsifrlyq tehnologiialardy qoldaný turmystyq jemqorlyqty azaitady dep oilaimyz. Jalpy alǵanda, Qazaqstannyń jemqorlyqpen kúresý saiasatyn halyqaralyq sarapshylar tarapynan da, álemdik reitingte de joǵary baǵalanýda. Mysaly, Dúniejúzilik banktiń baǵalaýynsha, Qazaqstan sońǵy jyly «Jemqorlyqty baqylaý» indikatory boiynsha kórsetkishterdi eki ret jaqsartqan», - deidi ol.
Konferentsiiaǵa 10 elden 20-dan astam spiker qatysty. Olardyń ishinde Frantsiianyń Sybailas jemqorlyqqa qarsy agenttiginiń basshysy Sharl Diýshen, Moldovanyń Sybailas jemqorlyqqa qarsy biýrosynyń eks-prezidenti Anatolii Donchý, Ýkrainanyń Sybailas jemqorlyqqa qarsy ulttyq biýrosy direktorynyń orynbasary Anatolii Novak jáne taǵy basqalary bar.
