دٷنيەجٷزٸلٸك بانكتٸڭ باعالاۋىنشا, قازاقستان سوڭعى جىلى «جەمقورلىقتى باقىلاۋ» ينديكاتورى بويىنشا كٶرسەتكٸشتەردٸ ەكٸ رەت جاقسارتقان. بۇل تۋرالى ەلوردادا ٶتكەن V جىل سايىنعى سىبايلاس جەمقورلىققا قارسى كونفەرەنتسييادا ايتىلدى, دەپ حابارلايدى قازاقپارات.
«ەلەمدەگٸ كٶپتەگەن مەملەكەتتە جەمقورلىق ەكونوميكانىڭ جاقسى دامۋىنا كەدەرگٸ كەلتٸرٸپ ەڭ باستىسى, ازاماتتاردىڭ قۇقىقتارى مەن ەل-اۋقاتىنا توسقاۋىل بولىپ, مەملەكەتتٸك ينستيتۋتقا دەگەن سەنٸمدٸ جوعالتادى. تٷبەگەيلٸ جەنە كەلٸسٸمگە كەلۋسٸز جەمقورلىقپەن كٷرەس باستاماسىن ۇلت كٶشباسشىسى نۇرسۇلتان نازارباەۆ باستاپ, قازٸرگٸ مەملەكەت باسشىسى قاسىم-جومارت توقاەۆ جالعاستىرىپ كەلەدٸ. قر پرەزيدەنتٸ حالىققا جولداۋىندا جەمقورلىقپەن جٷيەلٸ تٷردە كٷرەسۋ كەرەكتٸگٸن بٸرنەشە رەت ايتىپ ٶتكەن», - دەيدٸ قر مەملەكەتتٸك حاتشىسى قىرىمبەك كٶشەرباەۆ.
ونىڭ ايتۋىنشا, قازاقستان بۇۇ-نىڭ جەمقورلىققا قارسى كونۆەنتسيياسىنىڭ تولىق قۇقىلى مٷشەسٸ.
«بٸزدە وتاندىق جەنە حالىقارالىق تەجٸريبەگە نەگٸزدەلگەن زاڭنامالىق بازا جاسالدى. حالىقتىڭ ەل-اۋقاتىن كٶتەرۋدٸ ماقسات ەتە وتىرىپ, قوعامدى جەمقورلىقتان ازات قىلاتىن دامۋدىڭ جاڭا مودەلٸن انىقتايمىز. وسى ماقساتتا مەملەكەتتٸك قىزمەتتە اۋقىمدى رەفورما بولىپ, يننوۆاتسييالىق دامۋعا نەگٸزدەلگەن كەسٸبي مەملەكەتتٸك اپپارات قۇرىلۋدا. بيزنەس پەن ينۆەستيتسييانى قورعايتىن نەتيجەلٸ مەحانيزم قۇرىلىپ, قوعامدىق باقىلاۋ كەڭٸستٸگٸ ۇلعايۋدا. مەملەكەتتٸك قىزمەت سالاسىندا تسيفرلىق تەحنولوگييالاردى قولدانۋ تۇرمىستىق جەمقورلىقتى ازايتادى دەپ ويلايمىز. جالپى العاندا, قازاقستاننىڭ جەمقورلىقپەن كٷرەسۋ ساياساتىن حالىقارالىق ساراپشىلار تاراپىنان دا, ەلەمدٸك رەيتينگتە دە جوعارى باعالانۋدا. مىسالى, دٷنيەجٷزٸلٸك بانكتٸڭ باعالاۋىنشا, قازاقستان سوڭعى جىلى «جەمقورلىقتى باقىلاۋ» ينديكاتورى بويىنشا كٶرسەتكٸشتەردٸ ەكٸ رەت جاقسارتقان», - دەيدٸ ول.
كونفەرەنتسيياعا 10 ەلدەن 20-دان استام سپيكەر قاتىستى. ولاردىڭ ٸشٸندە فرانتسييانىڭ سىبايلاس جەمقورلىققا قارسى اگەنتتٸگٸنٸڭ باسشىسى شارل ديۋشەن, مولدوۆانىڭ سىبايلاس جەمقورلىققا قارسى بيۋروسىنىڭ ەكس-پرەزيدەنتٸ اناتوليي دونچۋ, ۋكراينانىڭ سىبايلاس جەمقورلىققا قارسى ۇلتتىق بيۋروسى ديرەكتورىنىڭ ورىنباسارى اناتوليي نوۆاك جەنە تاعى باسقالارى بار.
