Global Economic Prospects-tiń 2021 jylǵy 5 qańtardaǵy jańartylǵan esebinde Dúniejúzilik bank 2020 jyly álemdik ekonomika serpinin baǵalaýdy arttyrý jaǵyna qaita qarady. Jańartylǵan baǵalaýlarǵa sáikes, 2020 jyly álemdik ekonomikanyń kólemi 4,3%-ǵa qysqardy, dep habarlaidy "Ult aqparat".
Buǵan deiin Banktiń 2020 jylǵy maýsymdaǵy esebinde 2020 jyly álemdik ekonomikanyń -5,2% deńgeiinde qysqarýy boljanǵan bolatyn. 2020 jyly álemdik ekonomikanyń dinamikasyn baǵalaýdy jaqsartýdyń negizgi faktory jekelegen damyǵan jáne damýshy elderde tómengi quldyraý jáne QHR-da belsendi qalpyna kelý boldy. Dúniejúzilik bank 2020 jyly ósý baǵasyn kótergen elderdiń biri Qazaqstan boldy.
Dúniejúzilik banktiń jańartylǵan esebine sáikes, 2020 jyldyń nátijeleri boiynsha ulttyq ekonomikanyń ósýi -2,5% qurady, 2020 jylǵy maýsymdaǵy esepte -3% boljanǵan edi. Úkimettiń ekonomikanyń naqty sektorynyń turaqtylyǵyn qamtamasyz etý jáne azamattardyń ál-aýqatyn qoldaý jónindegi tiimdi sharalary ulttyq ekonomikanyń ósýin baǵalaýdy jaqsartýdyń negizgi faktoryna ainaldy. Dúniejúzilik bank bizneske qajetti kómekti óristetý, onyń ishinde sýbsidiialanǵan qarjylandyrý jáne salyq jeńildikteri tetikteri arqyly halyqtyń zardap shekken toptaryna tikelei transfertter berý, sondai-aq meditsinalyq infraqurylymnyń qoljetimdiligin arttyrý boiynsha Úkimet sharalarynyń tiimdiligin atap ótedi.
Salystyrý úshin, ekonomika ósimin baǵalaý 2020 jyly Vengriia (-5%-dan -5,9%-ǵa deiin), Argentina (-7,3%-dan -10,6%-ǵa deiin), Meksika (-7,5%-dan -9%-ǵa deiin), Ýkraina (-3,5%-dan -5,5%-ǵa deiin), Qyrǵyzstan (-4%-dan -8%-ǵa deiin), Grýziia (-4,8%-dan -6%-ǵa deiin), Ázerbaijan (-2,6%-dan -5%-ǵa deiin), Armeniia (-2,8%-dan -8%-ǵa), Indoneziia (0%-dan -2,2%-ǵa deiin), Tailand (-5%-dan -6,5%-ǵa deiin) tárizdi elder boiynsha tómendetildi.
Budan basqa, Global Economic Prospects jańartylǵan esebinde Dúniejúzilik bank 2020 jylǵy maýsymdaǵy esepte 4,2% baǵalaýmen salystyrǵanda 2021 jyly álemdik ekonomikanyń ósý boljamyn 4%-ǵa deiin tómendetý jaǵyna qaita qarastyrdy. 2021 jyly 4% deńgeiinde ósý kútilýde, bul COVID-19 vaktsinalarynyń qoldanyla bastaýy aldaǵy barlyq kezeń boiy ósýi múmkin.
