Elordanyń ýaqytsha ustaý izoliatorynda kóz jumǵan Dýlat Aǵadildiń denesinde zorlyq-zombylyq belgileri anyqtalǵan joq. Bul týraly búgin qalalyq prokýratýradan málim etti, dep habarlaidy "Ult aqparat".
«25 aqpan kúni Nur-Sultan qalasynyń Politsiia departamenti Aǵadildiń kóz jumý jaǵdaiy boiynsha sotqa deiingi tergeý amaldaryn bastady. Dál sol kúni barlyq mán-jaidy zertteýdiń shynaiylyǵyn qamtamasyz etý maqsatynda qylmystyq is Nur-Sultan qalalyq prokýratýrasynyń arnaiy prokýrorlarynyń óndirisine qabyldandy», - dep habarlady elorda prokýratýrasynan.
Atap ótilgendei, kóz jumǵan D.Aǵadildiń otbasynyń advokaty bergen ótinish boiynsha 26 aqpan kúni ózderi (otbasynyń) shaqyrǵan jeke sot sarapshylarynyń (A. Aqanbekov, R.Satybaldiev) qatysýymen marqumnyń denesine zertteý júrgizilgen.
«Onyń nátijesi boiynsha, jumyldyrylǵan mamandar Aǵadildiń ólimine júrek-qantamyrynyń ótkir jetkiliksizdigi sebep bolǵanyn anyqtady. Denesinde zorlyq-zombylyqtan bolatyn qandai da bir jaraqattar anyqtalmady. Iske tartylǵan sarapshylar, sonymen qatar onyń baýyry men advokaty tarapynan eskertý nemese ótinish berilgen joq. Sot saraptamasynyń qorytyndysy laboratoriialyq zertteý nátijesi boiynsha beriledi. Sotqa deiingi tergeý amaldary jalǵasýda», - dep habarlaidy vedomstvodan.
