ەلوردانىڭ ۋاقىتشا ۇستاۋ يزولياتورىندا كٶز جۇمعان دۋلات اعادٸلدٸڭ دەنەسٸندە زورلىق-زومبىلىق بەلگٸلەرٸ انىقتالعان جوق. بۇل تۋرالى بٷگٸن قالالىق پروكۋراتۋرادان مەلٸم ەتتٸ, دەپ حابارلايدى "ۇلت اقپارات".
«25 اقپان كٷنٸ نۇر-سۇلتان قالاسىنىڭ پوليتسييا دەپارتامەنتٸ اعادٸلدٸڭ كٶز جۇمۋ جاعدايى بويىنشا سوتقا دەيٸنگٸ تەرگەۋ امالدارىن باستادى. دەل سول كٷنٸ بارلىق مەن-جايدى زەرتتەۋدٸڭ شىنايىلىعىن قامتاماسىز ەتۋ ماقساتىندا قىلمىستىق ٸس نۇر-سۇلتان قالالىق پروكۋراتۋراسىنىڭ ارنايى پروكۋرورلارىنىڭ ٶندٸرٸسٸنە قابىلداندى», - دەپ حابارلادى ەلوردا پروكۋراتۋراسىنان.
اتاپ ٶتٸلگەندەي, كٶز جۇمعان د.اعادٸلدٸڭ وتباسىنىڭ ادۆوكاتى بەرگەن ٶتٸنٸش بويىنشا 26 اقپان كٷنٸ ٶزدەرٸ (وتباسىنىڭ) شاقىرعان جەكە سوت ساراپشىلارىنىڭ (ا. اقانبەكوۆ, ر.ساتىبالديەۆ) قاتىسۋىمەن مارقۇمنىڭ دەنەسٸنە زەرتتەۋ جٷرگٸزٸلگەن.
«ونىڭ نەتيجەسٸ بويىنشا, جۇمىلدىرىلعان ماماندار اعادٸلدٸڭ ٶلٸمٸنە جٷرەك-قانتامىرىنىڭ ٶتكٸر جەتكٸلٸكسٸزدٸگٸ سەبەپ بولعانىن انىقتادى. دەنەسٸندە زورلىق-زومبىلىقتان بولاتىن قانداي دا بٸر جاراقاتتار انىقتالمادى. ٸسكە تارتىلعان ساراپشىلار, سونىمەن قاتار ونىڭ باۋىرى مەن ادۆوكاتى تاراپىنان ەسكەرتۋ نەمەسە ٶتٸنٸش بەرٸلگەن جوق. سوت ساراپتاماسىنىڭ قورىتىندىسى لابوراتورييالىق زەرتتەۋ نەتيجەسٸ بويىنشا بەرٸلەدٸ. سوتقا دەيٸنگٸ تەرگەۋ امالدارى جالعاسۋدا», - دەپ حابارلايدى ۆەدومستۆودان.
