Dimash Qudaibergen óziniń jeke kontsertinde qaza bolǵan dosy – mánerlep syrǵanaýshy Denis Tenge nómir arnady, dep habarlady Sputnik Qazaqstan.
Búkil Qazaqstandy eseńgiretken Denis Tenniń qazasy Dimashqa da aýyr soqty. Ony eske alý úshin ánshi SOS d'un terrien en détresse kompozitsiiasyn oryndady, óz ýaqytynda Denis osy ánniń súiemeldeýimen arnaiy baǵdarlama jasap syrǵanaǵan bolatyn.
Myńdaǵan kórermenge Olimpiadanyń qola júldegeriniń óner kórsetken sáti, sondai-aq Denis Ten án aityp jatqan kadrlar úlken ekrannan kórsetildi.
"Denis ekeýmiz meniń kelesi Qazaqstandaǵy kontsertimde dýet aitamyz dep josparlap edik, biraq... amal qansha... Denis talantty, óte eńbekqor boldy. Ol óner, adamgershilik týyn biik ustady", - dep pikir bildirdi Dimash.
Tyńdarmandardyń arasynda marqum mánerlep syrǵanaýshynyń ata-anasy boldy. Anasy Oksana Ten kóz jasyn áreń tyidy.
"Barlyq qazaq halqynyń atynan óz qurmetimizdi kórsetýge ruqsat etińiz. Sizdiń ulyńyzdy eshqashan umytpaimyz. Qazaqstan tarihynda onyń róli erekshe", - dedi Dimash.
Jas mánerlep syrǵanaýshy Denis Ten 2018 jyldyń 19 maýsymynda kólik urylarynyń qolynan qaza boldy. Jiyrma bes jastaǵy sportshy kóp qan joǵaltyp, aýrýhanada jan tapsyrdy. Tragediiaǵa bir jyl ótkennen keiin qylmyskerlerdiń biri Tendi aýyr jaraqattaǵan jerde sportshyǵa eskertkish qoiyldy.
