ديماش قۇدايبەرگەن ٶزٸنٸڭ جەكە كونتسەرتٸندە قازا بولعان دوسى – مەنەرلەپ سىرعاناۋشى دەنيس تەنگە نٶمٸر ارنادى, دەپ حابارلادى Sputnik قازاقستان.
بٷكٸل قازاقستاندى ەسەڭگٸرەتكەن دەنيس تەننٸڭ قازاسى ديماشقا دا اۋىر سوقتى. ونى ەسكە الۋ ٷشٸن ەنشٸ SOS d'un terrien en détresse كومپوزيتسيياسىن ورىندادى, ٶز ۋاقىتىندا دەنيس وسى ەننٸڭ سٷيەمەلدەۋٸمەن ارنايى باعدارلاما جاساپ سىرعاناعان بولاتىن.
مىڭداعان كٶرەرمەنگە وليمپيادانىڭ قولا جٷلدەگەرٸنٸڭ ٶنەر كٶرسەتكەن سەتٸ, سونداي-اق دەنيس تەن ەن ايتىپ جاتقان كادرلار ٷلكەن ەكراننان كٶرسەتٸلدٸ.
"دەنيس ەكەۋمٸز مەنٸڭ كەلەسٸ قازاقستانداعى كونتسەرتٸمدە دۋەت ايتامىز دەپ جوسپارلاپ ەدٸك, بٸراق... امال قانشا... دەنيس تالانتتى, ٶتە ەڭبەكقور بولدى. ول ٶنەر, ادامگەرشٸلٸك تۋىن بيٸك ۇستادى", - دەپ پٸكٸر بٸلدٸردٸ ديماش.
تىڭدارمانداردىڭ اراسىندا مارقۇم مەنەرلەپ سىرعاناۋشىنىڭ اتا-اناسى بولدى. اناسى وكسانا تەن كٶز جاسىن ەرەڭ تىيدى.
"بارلىق قازاق حالقىنىڭ اتىنان ٶز قۇرمەتٸمٸزدٸ كٶرسەتۋگە رۇقسات ەتٸڭٸز. سٸزدٸڭ ۇلىڭىزدى ەشقاشان ۇمىتپايمىز. قازاقستان تاريحىندا ونىڭ رٶلٸ ەرەكشە", - دەدٸ ديماش.
جاس مەنەرلەپ سىرعاناۋشى دەنيس تەن 2018 جىلدىڭ 19 ماۋسىمىندا كٶلٸك ۇرىلارىنىڭ قولىنان قازا بولدى. جيىرما بەس جاستاعى سپورتشى كٶپ قان جوعالتىپ, اۋرۋحانادا جان تاپسىردى. تراگەديياعا بٸر جىل ٶتكەننەن كەيٸن قىلمىسكەرلەردٸڭ بٸرٸ تەندٸ اۋىر جاراقاتتاعان جەردە سپورتشىعا ەسكەرتكٸش قويىلدى.
