13 qańtar kúni Qazaqstan aýmaǵyna Germaniia, Niderlandy, Korei, Maldiv, BAÁ, Mysyr, Túrkiia, RF, Belarýs jáne Ózbekstan elderinen 16 halyqaralyq áýe reisi ushyp keldi, dep habarlaidy "Ult aqparat".
QR Densaýlyq saqtaý ministrligi Sanitariialyq-epidemiologiialyq baqylaý komitetinen málim etkendei, Qazaqstanǵa barlyǵy 1 379 jolaýshy ushyp kelgen. Onyń 1 190-ynda koronavirýsqa PTR-testileýdiń teris nátijesi bar anyqtama bolǵan, 189 adam anyqtamasyz kelgen, olardyń barlyǵy QR azamattary.
Atap aitqanda,
- Almaty qalasynyń áýejaiyna – 6 reis qonǵan, barlyǵy 610 jolaýshy, onyń ishinde anyqtamamen - 570, anyqtamasyz - 40;
- Nur-Sultan qalasynyń áýejaiyna – 5 reis, 540 jolaýshy, anyqtamamen – 391, anyqtamasyz - 149;
- Atyraý qalasynyń áýejaiyna – 1 reis, 132 jolaýshy anyqtamamen keldi;
- Oral qalasynyń áýejaiyna – 1 reis, 97 jolaýshy anyqtamamen keldi.
«Anyqtamasyz kelgen Qazaqstan azamattary kelgen jerleri boiynsha COVID-19-ǵa PTR-taldaý ádisimen testilendi jáne karantindik statsionarlarda óz nátijelerin kútýde», - delingen aqparatta.
Sondai-aq málim etilgendei, 12 qańtar kúni Qazaqstanǵa PTR anyqtamasyz ushyp kelgen Qazaqstannyń 94 azamatynyń test náijeleri daiyn boldy. Oǵan sáikes, «Dýbai – Almaty» reisiniń 2 jolaýshysynan koronavirýs infektsiiasy anyqtaldy.
