Foto: deepdivedubai.com
Deep Dive Dubai basseini Ginnestiń rekordtar kitabyna álemdegi eń tereń bassein retinde endi, - dep habarlaidy Kaz.tengritravel.kz tilshisi Upjobsnews.com silteme jasap.
Dýbaida jańa attraktsion - Deep Dive Dubai paida boldy. Bul - álemdegi eń tereń bassein. Ol Nad-Al-Sheba aimaǵynda ornalasqan jáne alty olimpiadalyq basseinge teń keletin 14 million litr sý bar. Basseinniń tereńdigi 60 metr, bul Ginnestiń rekordtar kitabynyń aldyńǵy rekordynan 15 metr úlken.
Deep Dive Dubai úlken sýǵa batqan qalany eske túsiredi jáne kelýshilerdiń qaýipsizdigin qamtamasyz etý úshin 56 kameramen, sonymen qatar zamanaýi jaryqtandyrý jáne dybys júielerimen jabdyqtalǵan.
Munda súńgýirlerge jattyǵý jasaýǵa bolatynymen qatar, basseinniń túbinde shahmat pen ústel fýtbolyn oinaýǵa bolady. Sonymen qatar, mýltimediialyq óńdeý bólmesi ornatylǵan sý astyndaǵy kinostýdiia bar.
Jabyq bassein qurylymnyń ishine 1500 sharshy metr ulý tárizde salynǵan. Basseindegi sýdyń temperatýrasy 30 gradýs Tselsii deńgeiinde saqtalady. Juqa kiim nemese kýpalnik kiiýge yńǵaily.
Bassein aldyn ala jazylý arqyly jáne tek 10 jastan asqan adamdarǵa qoljetimdi.
