Dýbaida ótetin EKSPO-2020 Dúniejúzilik kórmesindegi Qazaqstan pavilonyna 488 million teńge jumsalady. Aqshany QazExpoCongress ulttyq kompaniiasy bóldi, - dep habarlaidy Tengrinews.kz.
Saýda jáne integratsiia ministrliginiń resmi saýalǵa bergen jaýabyna sáikes, Qazaqstannyń kórmege qatysýyn qamtamasyz etý boiynsha jumysty QazExpoCongress - 2019 jylǵy jeltoqsanda Saýda ministrligine ótken burynǵy Astana EKSPO-2017 júrgizip jatyr.
"Qazirgi tańda barlyq qurylys-montaj jumystary aiaqtalyp, iske qosý-jóndeý jumystary júrgizilip jatyr. Qurylysqa daiyndyq sertifikaty alyndy. Pavilonnyń joǵary tehnologiialyq jabdyqtarynyń kúndelikti jáne úzdiksiz jumys isteýin uiymdastyrý maqsatynda paidalaný jónindegi reglamentterge sáikes tehnikalyq qyzmet kórsetýdi, sondai-aq uiymdastyrý komitetiniń talaptaryna sáikes kúzetti, kliningti, dezinfektsiialaýdy, deratizatsiialaýdy, dezinsektsiialaýdy, aýa baptaýdy qosa alǵanda, injenerlik jelilerge qyzmet kórsetý jónindegi sharalar keshenin júzege asyrý qajet.
Osy maqsattarǵa qoǵam qarajatynan básekeles ortada ashyq konkýrs ótkizý úshin 488 million teńge bólindi. Baǵa Dýbaidaǵy qyzmetterdiń naryqtyq qunyna sáikes qalyptasady", - dep jaýap berdi saýda ministrligi.
