دۋبايدا ٶتەتٸن ەكسپو-2020 دٷنيەجٷزٸلٸك كٶرمەسٸندەگٸ قازاقستان پاۆيلونىنا 488 ميلليون تەڭگە جۇمسالادى. اقشانى QazExpoCongress ۇلتتىق كومپانيياسى بٶلدٸ, - دەپ حابارلايدى Tengrinews.kz.
ساۋدا جەنە ينتەگراتسييا مينيسترلٸگٸنٸڭ رەسمي ساۋالعا بەرگەن جاۋابىنا سەيكەس, قازاقستاننىڭ كٶرمەگە قاتىسۋىن قامتاماسىز ەتۋ بويىنشا جۇمىستى QazExpoCongress - 2019 جىلعى جەلتوقساندا ساۋدا مينيسترلٸگٸنە ٶتكەن بۇرىنعى استانا ەكسپو-2017 جٷرگٸزٸپ جاتىر.
"قازٸرگٸ تاڭدا بارلىق قۇرىلىس-مونتاج جۇمىستارى اياقتالىپ, ٸسكە قوسۋ-جٶندەۋ جۇمىستارى جٷرگٸزٸلٸپ جاتىر. قۇرىلىسقا دايىندىق سەرتيفيكاتى الىندى. پاۆيلوننىڭ جوعارى تەحنولوگييالىق جابدىقتارىنىڭ كٷندەلٸكتٸ جەنە ٷزدٸكسٸز جۇمىس ٸستەۋٸن ۇيىمداستىرۋ ماقساتىندا پايدالانۋ جٶنٸندەگٸ رەگلامەنتتەرگە سەيكەس تەحنيكالىق قىزمەت كٶرسەتۋدٸ, سونداي-اق ۇيىمداستىرۋ كوميتەتٸنٸڭ تالاپتارىنا سەيكەس كٷزەتتٸ, كلينينگتٸ, دەزينفەكتسييالاۋدى, دەراتيزاتسييالاۋدى, دەزينسەكتسييالاۋدى, اۋا باپتاۋدى قوسا العاندا, ينجەنەرلٸك جەلٸلەرگە قىزمەت كٶرسەتۋ جٶنٸندەگٸ شارالار كەشەنٸن جٷزەگە اسىرۋ قاجەت.
وسى ماقساتتارعا قوعام قاراجاتىنان بەسەكەلەس ورتادا اشىق كونكۋرس ٶتكٸزۋ ٷشٸن 488 ميلليون تەڭگە بٶلٸندٸ. باعا دۋبايداعى قىزمەتتەردٸڭ نارىقتىق قۇنىنا سەيكەس قالىپتاسادى", - دەپ جاۋاپ بەردٸ ساۋدا مينيسترلٸگٸ.
