2021 jyldyń 3 qazan kúni dúniejúzilik «EKSPO-2020 Dýbai» kórmesin ótkizý sheńberinde Qazaqstannyń ulttyq pavilonynda «Kazakhstan Green Day» atty iskerlik is-sharalar seriiasy ótedi, dep habarlaidy QazAqparat Ekologiia, geologiia jáne tabiǵi resýrstar ministrliginiń baspasóz qyzmetine silteme jasap.
Sharaǵa Halyqaralyq jáne ulttyq sarapshylar, qorshaǵan ortany qorǵaý salasyndaǵy ýákiletti organ, biznes-qoǵamdastyq jáne salalyq qaýymdastyq ókilderi qatysady. Sala mamandary óńirlik ekologiialyq táýekelderdi basqarý júiesin, eń ozyq qoljetimdi tehnologiialardy (OQT) engizý, sondai-aq parniktik gazdardy basqarýǵa qatysty birqatar máselelerdi talqylaidy.
Shaqyrylǵan delegattardyń ishinde qorshaǵan ortany qorǵaý salasyndaǵy jetekshi uiymdardyń ókilderi, sonyń ishinde keshendi lastanýdyń aldyn alý jáne oǵan qarsy kúres jónindegi Eýropalyq Biýro (European Integrated Pollution Prevention and Control Bureau), Resei Federatsiiasynyń eń ozyq qoljetimdi tehnologiialar biýrosy, Eýropalyq Odaqtyń jobasy - Ortalyq Aziia: sý resýrstary, qorshaǵan orta jáne klimattyń ózgerý salasyndaǵy yntymaqtastyq (WECOOP), Ortalyq Aziianyń óńirlik ekologiialyq ortalyǵy (AETsTsA), Citepa aýany lastaý jónindegi Frantsýz tehnikalyq ortalyǵy siiaqty iri uiymdar bas qosady.
Jasyl tehnologiialar transferi tetigi retinde «Jasyl kópir» áriptestik baǵdarlamasy men óńirlik ekologiialyq táýekelderdi basqarý júiesine basty nazar aýdaratyn bolady. Talqylaý barysynda Eýropalyq Odaq pen Resei Federatsiiasynyń eń úzdik qoljetimdi tehnologiialar (ÚQT) engizý boiynsha tájiribesin talqylaý josparlanyp otyr.
Sonymen qatar, sarapshylar ÚQT Ortalyq Aziia biýrosynyń damý perspektivalaryn talqylaýǵa nietti.
Úshinshi paneldik sessiia sheńberinde Qazaqstannyń tómen kómirtekti damý, QTQ qaita óńdeý salasyndaǵy saiasaty jáne parniktik gazdardy basqarý salasyndaǵy is-qimyldardyń ashyqtyǵyna qol jetkizý máseleleri kóteriledi.
Sarapshylardyń sońǵy kezdesýi ÚQT engizý jáne damytý máselelerine arnalady. Qazaqstannyń iri ónerkásiptik kompaniialary («KEGOC» AQ, «Samuryq-energo» AQ, ERG, «QazMunaiGaz «UK» AQ, «ArselorMittal Temirtaý» AQ, Kazminerals, Kazakhmys) ókilderiniń qatysýy kútilýde.
Is-sharanyń uiymdastyrýshysy Halyqaralyq jasyl tehnologiialar jáne investitsiialyq jobalar ortalyǵy. Ol ónerkásiptiń negizgi salalarynda ÚQT anyqtamalaryn ázirleýdi júzege asyrady.
Is-shara oflain jáne onlain formatta ZOOM platformasynda ótedi.
