2021 جىلدىڭ 3 قازان كٷنٸ دٷنيەجٷزٸلٸك «ەكسپو-2020 دۋباي» كٶرمەسٸن ٶتكٸزۋ شەڭبەرٸندە قازاقستاننىڭ ۇلتتىق پاۆيلونىندا «Kazakhstan Green Day» اتتى ٸسكەرلٸك ٸس-شارالار سەريياسى ٶتەدٸ, دەپ حابارلايدى قازاقپارات ەكولوگييا, گەولوگييا جەنە تابيعي رەسۋرستار مينيسترلٸگٸنٸڭ باسپاسٶز قىزمەتٸنە سٸلتەمە جاساپ.
شاراعا حالىقارالىق جەنە ۇلتتىق ساراپشىلار, قورشاعان ورتانى قورعاۋ سالاسىنداعى ۋەكٸلەتتٸ ورگان, بيزنەس-قوعامداستىق جەنە سالالىق قاۋىمداستىق ٶكٸلدەرٸ قاتىسادى. سالا ماماندارى ٶڭٸرلٸك ەكولوگييالىق تەۋەكەلدەردٸ باسقارۋ جٷيەسٸن, ەڭ وزىق قولجەتٸمدٸ تەحنولوگييالاردى (وقت) ەنگٸزۋ, سونداي-اق پارنيكتٸك گازداردى باسقارۋعا قاتىستى بٸرقاتار مەسەلەلەردٸ تالقىلايدى.
شاقىرىلعان دەلەگاتتاردىڭ ٸشٸندە قورشاعان ورتانى قورعاۋ سالاسىنداعى جەتەكشٸ ۇيىمداردىڭ ٶكٸلدەرٸ, سونىڭ ٸشٸندە كەشەندٸ لاستانۋدىڭ الدىن الۋ جەنە وعان قارسى كٷرەس جٶنٸندەگٸ ەۋروپالىق بيۋرو (European Integrated Pollution Prevention and Control Bureau), رەسەي فەدەراتسيياسىنىڭ ەڭ وزىق قولجەتٸمدٸ تەحنولوگييالار بيۋروسى, ەۋروپالىق وداقتىڭ جوباسى - ورتالىق ازييا: سۋ رەسۋرستارى, قورشاعان ورتا جەنە كليماتتىڭ ٶزگەرۋ سالاسىنداعى ىنتىماقتاستىق (WECOOP), ورتالىق ازييانىڭ ٶڭٸرلٸك ەكولوگييالىق ورتالىعى (اەتستسا), Citepa اۋانى لاستاۋ جٶنٸندەگٸ فرانتسۋز تەحنيكالىق ورتالىعى سيياقتى ٸرٸ ۇيىمدار باس قوسادى.
جاسىل تەحنولوگييالار ترانسفەرٸ تەتٸگٸ رەتٸندە «جاسىل كٶپٸر» ەرٸپتەستٸك باعدارلاماسى مەن ٶڭٸرلٸك ەكولوگييالىق تەۋەكەلدەردٸ باسقارۋ جٷيەسٸنە باستى نازار اۋداراتىن بولادى. تالقىلاۋ بارىسىندا ەۋروپالىق وداق پەن رەسەي فەدەراتسيياسىنىڭ ەڭ ٷزدٸك قولجەتٸمدٸ تەحنولوگييالار (ٷقت) ەنگٸزۋ بويىنشا تەجٸريبەسٸن تالقىلاۋ جوسپارلانىپ وتىر.
سونىمەن قاتار, ساراپشىلار ٷقت ورتالىق ازييا بيۋروسىنىڭ دامۋ پەرسپەكتيۆالارىن تالقىلاۋعا نيەتتٸ.
ٷشٸنشٸ پانەلدٸك سەسسييا شەڭبەرٸندە قازاقستاننىڭ تٶمەن كٶمٸرتەكتٸ دامۋ, قتق قايتا ٶڭدەۋ سالاسىنداعى ساياساتى جەنە پارنيكتٸك گازداردى باسقارۋ سالاسىنداعى ٸس-قيمىلداردىڭ اشىقتىعىنا قول جەتكٸزۋ مەسەلەلەرٸ كٶتەرٸلەدٸ.
ساراپشىلاردىڭ سوڭعى كەزدەسۋٸ ٷقت ەنگٸزۋ جەنە دامىتۋ مەسەلەلەرٸنە ارنالادى. قازاقستاننىڭ ٸرٸ ٶنەركەسٸپتٸك كومپانييالارى («KEGOC» اق, «سامۇرىق-ەنەرگو» اق, ERG, «قازمۇنايگاز «ۇك» اق, «ارسەلورميتتال تەمٸرتاۋ» اق, Kazminerals, Kazakhmys) ٶكٸلدەرٸنٸڭ قاتىسۋى كٷتٸلۋدە.
ٸس-شارانىڭ ۇيىمداستىرۋشىسى حالىقارالىق جاسىل تەحنولوگييالار جەنە ينۆەستيتسييالىق جوبالار ورتالىعى. ول ٶنەركەسٸپتٸڭ نەگٸزگٸ سالالارىندا ٷقت انىقتامالارىن ەزٸرلەۋدٸ جٷزەگە اسىرادى.
ٸس-شارا وفلاين جەنە ونلاين فورماتتا ZOOM پلاتفورماسىندا ٶتەدٸ.
