Qazir Nur-Sultan qalasynda dýaldi oqytýǵa 34 mamandyq jáne 60 biliktilik boiynsha 26 kolledj tartylǵan. Qalanyń 189 kásipornyn tarta otyryp, 3575 stýdent kásiptik bilimmen qamtyldy. Osyǵan bailanysty tálimgerlerdiń eńbegine aqy tóleý shyǵystaryn biýdjetten óteý josparlanyp otyr.
Teoriiany óndirispen ushtastyra oqytýdy kózdeitin dýaldy bilim berý tehnologiiasy alǵash Almaniiada paida boldy. Keiinnen tiimdiligin kórsetip jan-jaqqa tarady. Qazir bul tehnologiianyń bilim berý salasynda orny erekshe. Ásirese tehnologiia salasynyń mamandary úshin taptyrmas jaǵdai.
Bul tehnologiia boiynsha stýdentter ýaqyttyń úshten ekisin óndiristen úzbei jumys isteidi, biraq ýaqyttyń tek úshten birin teoriialyq oqýǵa, bilimdi uiymdastyrýǵa arnaidy. Elorda ákimdiginde "praktika – teoriia" boiynsha dýaldi oqytýdyń oqý saǵattarynyń araqatynasy is júzinde 60 paiyzǵa, teoriia boiynsha 40 paiyzǵa jetkenin rastady.
Mamandardyń aitynsha, dýaldy oqytý tehnologiiasy boiynsha túlekterdi jumysqa ornalastyrý jumys berýshiniń talaptaryna tolyq jaýap beredi. Oǵan oqytýdyń óndiristik suranystarǵa barynsha jaqyn bolǵany yqpal etedi.
2020 jyly qala kolledjderin 6603 túlek bitirdi. Onyń ishinde 6081-i jumyspen qamtylǵan, bul 92%-dy qurap otyr. Al dýaldy oqytý boiynsha túlekter sany 728 adamdy qurady. Onyń ishinde memlekettik bilim berý tapsyrysy boiynsha – 656 adam bitirip shyqty. Olardyń jumysqa ornalasý deńgeii – 91%.
Demek, dýaldy oqytý óz jemisin berip jatyr. Sebebi onyń óz artyqshylyqtary da bar. Mysaly, túlekterdi jumysqa ornalastyrý kórsetkishi joǵary bolady, óitkeni oqý protsesinde óndirispen tyǵyz bailanysty bilim alýshy jumys berýshiniń talaptaryn meńgergen tájiribesi bar.
Sonymen qatar bilimdi, bolashaq maman jańa ortaǵa beiimdelgen psihologiialyq turǵydan daiyndalǵan maman bolyp shyǵady. Olar óndiriste óz betinshe sheshim qabyldai alady. Teoriia men praktikany igere otyryp, bekitilgen jumys úshin jaýapkershilikti sezine alady.
Dýaldy oqytýdyń taǵy bir ereksheligi retinde "tájiribeden teoriiaǵa" printsipi boiynsha jumys isteitinin aitýǵa bolady. Iaǵni, stýdent óndiriste kórgeninen teoriialyq bilim alady. Teoriia kezinde aitylýy múmkin kúrdeli terminder praktika kezinde qolmen ustap, kózben kórýge keledi.
Oqytý tehnologiiasynyń taǵy bir ereksheligi – zaman talaptaryn meńgerý. Demek, óndiristegi keiingi jańalyqtarmen tanysyp, teoriiany ǵana emes, qazirgi zamannyń talaptaryn da meńgerip shyǵady.
Bul baǵyt boiynsha taǵy bir jańashyldyq – stýdenttiń oqyp júrgen kezde óndiriste jumys istegenin zańdastyrý. Demek, onyń sol aralyqta jumys istegenin jumys ótiline qosý máselesi de qarastyrylyp jatyr. Qazir bilim jáne ǵylym ministrliginiń tiisti buiyrǵyna ózerister men tolyqtyrýlar engizýde. Sol arqyly oqý jyldary eńbek ótili bolyp eseptelmek.
Aita keteiik, biyldan bastap kásiporyndar bazasynda kásibi tájiribeni uiymdastyratyn tálimgerlerdiń eńbegine aqy tóleý shyǵystaryn óteý josparlanyp otyr.
Esterińizge sala keteiik, Qazir Nur-Sultan qalasynda dýaldi oqytýǵa 34 mamandyq jáne 60 biliktilik boiynsha 26 kolledj tartylǵan. Qalanyń 189 kásipornyn tarta otyryp, 3575 stýdent kásiptik bilimmen qamtyldy. Osyǵan bailanysty tálimgerlerdiń eńbegine aqy tóleý shyǵystaryn biýdjetten óteý josparlanyp otyr.
Teoriiany óndirispen ushtastyra oqytýdy kózdeitin dýaldy bilim berý tehnologiiasy alǵash Almaniiada paida boldy. Keiinnen tiimdiligin kórsetip jan-jaqqa tarady. Qazir bul tehnologiianyń bilim berý salasynda orny erekshe. Ásirese tehnologiia salasynyń mamandary úshin taptyrmas jaǵdai.
