Aqtóbede dýa qaitarýǵa ýáde berip, altyn buiymdaryn aldap alyp ketken áiel ustaldy, dep habarlaidy "Ult aqparat".
Aqtóbe qalasynyń №2 Astana aýdandyq politsiia bólimine 52 jastaǵy turǵyn aryz túsirdi. Qala kósheleriniń birinde ornalasqan dúkende beitanys áiel sózge tartyp, dýa qaitarýǵa ýáde bergen. Sóitip onyń altyn buiymdary men teledidaryn aldap alyp ketken. Shyǵyn kólemi – 180 500 teńge.
«Kúdikti altyn buiymdardyń adam aǵzasyna ziian ekenin aityp, barlyq áshekeiin sheship alǵan. Sonymen qatar páterine baryp, teledidaryn, aqshasyn alyp ketti. Jábirlenýshi balgermen sóilesken kezde psihologiialyq táýeldilikke ushyrap, onyń bar aitqanyn oryndadym dep otyr. Politsiia qyzmetkerleri jedel izdestirý kezinde 35 jastaǵy qala turǵynyn ustady. Odan teledidar tárkilendi. Al altyn buiymdardy lombardqa tapsyryp úlgergen. Aqsha jumsalyp ketken. Qazir osy oqiǵa boiynda Qylmystyq kodekstiń «Alaiaqtyq» baby boiynsha is qozǵalyp, tergeý júrip jatyr», - dedi oblystyq PD baspasóz qyzmetiniń jetekshisi Erbolat Sarqulov.
Aita keteiik, oblystyq politsiia departamenti dál osy jolmen aldanǵan aqtóbelikter bolsa №2 Astana aýdandyq bólimine habarlasýyn suraidy.
