اقتٶبەدە دۋا قايتارۋعا ۋەدە بەرٸپ, التىن بۇيىمدارىن الداپ الىپ كەتكەن ەيەل ۇستالدى, دەپ حابارلايدى "ۇلت اقپارات".
اقتٶبە قالاسىنىڭ №2 استانا اۋداندىق پوليتسييا بٶلٸمٸنە 52 جاستاعى تۇرعىن ارىز تٷسٸردٸ. قالا كٶشەلەرٸنٸڭ بٸرٸندە ورنالاسقان دٷكەندە بەيتانىس ەيەل سٶزگە تارتىپ, دۋا قايتارۋعا ۋەدە بەرگەن. سٶيتٸپ ونىڭ التىن بۇيىمدارى مەن تەلەديدارىن الداپ الىپ كەتكەن. شىعىن كٶلەمٸ – 180 500 تەڭگە.
«كٷدٸكتٸ التىن بۇيىمداردىڭ ادام اعزاسىنا زييان ەكەنٸن ايتىپ, بارلىق ەشەكەيٸن شەشٸپ العان. سونىمەن قاتار پەتەرٸنە بارىپ, تەلەديدارىن, اقشاسىن الىپ كەتتٸ. جەبٸرلەنۋشٸ بالگەرمەن سٶيلەسكەن كەزدە پسيحولوگييالىق تەۋەلدٸلٸككە ۇشىراپ, ونىڭ بار ايتقانىن ورىندادىم دەپ وتىر. پوليتسييا قىزمەتكەرلەرٸ جەدەل ٸزدەستٸرۋ كەزٸندە 35 جاستاعى قالا تۇرعىنىن ۇستادى. ودان تەلەديدار تەركٸلەندٸ. ال التىن بۇيىمداردى لومباردقا تاپسىرىپ ٷلگەرگەن. اقشا جۇمسالىپ كەتكەن. قازٸر وسى وقيعا بويىندا قىلمىستىق كودەكستٸڭ «الاياقتىق» بابى بويىنشا ٸس قوزعالىپ, تەرگەۋ جٷرٸپ جاتىر», - دەدٸ وبلىستىق پد باسپاسٶز قىزمەتٸنٸڭ جەتەكشٸسٸ ەربولات سارقۇلوۆ.
ايتا كەتەيٸك, وبلىستىق پوليتسييا دەپارتامەنتٸ دەل وسى جولمەن الدانعان اقتٶبەلٸكتەر بولسا №2 استانا اۋداندىق بٶلٸمٸنە حابارلاسۋىن سۇرايدى.
