1 naýryzda Jeneva qalasynda (Shveitsariia Konfederatsiiasy) jańadan taǵaiyndalǵan bas direktor N.Okondjo-Iveala qatysýymen Dúniejúzilik saýda uiymy Bas keńesiniń otyrysy barysynda 2021 jylǵy qarashada Jenevada DSU-nyń 12-shi ministrlik konferentsiiasyn (MK-12) ótkizý týraly sheshim qabyldandy, dep habarlaidy "Ult aqparat" QR Saýda jáne integratsiia ministrligine silteme jasap.
DSU Bas keńesiniń tóraǵasy, Jańa Zelandiianyń Elshisi D.Ýolkerdiń aqparaty boiynsha, DSU múshelerimen konsýltatsiialar barysynda koronovirýs pandemiiasyna jáne jańa shtamdardyń paida bolýyna bailanysty 2021 jylǵy 21-24 maýsymda Nur-Sultan qalasynda MK-12 ótkizýdiń múmkin emestigi atap ótildi.
Bul rette DSU músheleri osy jahandyq is-sharany 2021 jyldyń sońyna aýystyrýdyń jáne ony Qazaqstannyń tóraǵalyǵymen Jenevada ótkizýdiń oryndylyǵy týraly pikir bildirdi. Bul usynysty DSU Bas keńesi konsensýspen qabyldady.
«DSU-nyń birqatar múshesi MK-12 ótkizýdiń jańa merzimderi men orny boiynsha qabyldanǵan sheshim alǵa jasalǵan úlken qadam bolyp tabylatynyn jáne uiym úshin basty mánge ie ekenin atap ótti. DSU janyndaǵy Turaqty Ókilder Qazaqstanǵa ashyqtyǵy, ikemdiligi jáne DSU-ǵa múshe barlyq elderdiń múddesi úshin Jenevada MK-12 ótkizýge keliskeni úshin, sondai-aq is-sharany ótkizý ornynyń ózgerýine qaramastan MK-12 tóraǵasy bolýǵa daiyn ekeni úshin alǵys bildirdi», delingen habarlamada.
Qazaqstan delegatsiiasy DSU-nyń múshelerine bizdiń elimizdiń 2020 jyly Nur-Sultanda MK-12 qabyldaý týraly usynysyn, sodan keiin jahandyq koronavirýs pandemiiasyna bailanysty MK-12-ni 2021 jyldyń maýsymyna aýystyrý týraly usynysyn biraýyzdan qoldaǵany úshin alǵys bildirdi. Sonymen qatar, COVID-19 pandemiiasynan týyndaǵan saqtalyp otyrǵan belgisizdik pen shekteýlerdi eskere otyryp, Qazaqstan DSU-ǵa múshe elderdiń biyl jyldyń sońynda Jenevada MK-12 ótkizýdiń oryndylyǵy týraly pikirimen kelisip, MK-12-ge tóraǵalyq etýge daiyndyǵyn rastady.
