QR Densaýlyq saqtaý ministrligi Amanjan Jamalovtyń depýtattyq saýalyna jaýap retinde óz ustanymyn bildirdi. Osy oraida Ult portaly ministrliktiń túsindirmesin tolyq jariialaǵandy jón sanady.
***
Parlament Májilisiniń depýtaty Amanjan Jamalovtyń budan buryn jalpy otyrysta aitylǵan depýtattyq saýalyna jaýap retinde mynany habarlaimyz.
Budan buryn OKQ alańynda habarlanǵandai, QR Densaýlyq saqtaý ministrligi Spýtnik V vaktsinasyn ázirleýshilerden RǴA akademigi, Gamaleia atyndaǵy epidemiologiia jáne mikrobiologiia ulttyq zertteý ortalyǵynyń direktory Aleksandr Gintsbýrgtiń «Sputnik V vaktsinasynyń 1 komponenti men 2 komponentin engizý arasyndaǵy aralyqty eń tómengi múmkin 21 kúnnen 90 kúnge deiin kóbeitýge bolady» jáne de «Vaktsina dozalary arasyndaǵy aralyqtyń ulǵaiýy immýndyq jaýaptyń kúshine áser etpeidi, al keibir jaǵdailarda immýnitettiń joǵary belsendiligine alyp keledi» degen qoly qoiylǵan resmi hat aldy.
Ázirleýshiniń osy usynysyn basshylyqqa ala otyryp, QR Bas memlekettik sanitarlyq dárigeriniń qaýlysyna «Spýtnik V» ekinshi komponentimen vaktsinatsiialaý merzimin 21-den 45 kúnge deiin uzartý boiynsha ózgeris engizildi. Bul rette, qajet bolǵan jaǵdaida, Qazaqstan azamattary vaktsinanyń birinshi komponentin alǵan jeri boiynsha ótinish bere alady jáne 21-shi kúni ekinshi komponentti ala alady.
Osylaisha, vaktsinanyń eki komponenti arasyndaǵy interval boiynsha QR Bas memlekettik sanitarlyq dárigeriniń ustanymy quqyqtyq negizge ie jáne Telegramm-arnadan alynǵan úzindilerde emes, preparatty ázirleýshiniń resmi túsindirmesinde qalyptasqan.
Esterińizge sala keteiik, respýblikanyń Bas sanitarlyq dárigeriniń qyzmeti Qazaqstan halqynyń densaýlyǵy týraly kodekspen retteledi.
Jalpy, aralyqtyń ulǵaiýy immýndaýdy edáýir jedeldetýge múmkindik beredi, al vaktsinanyń birinshi komponentin engizý antideneler shyǵarýdy qamtamasyz etýge jáne 3 aptadan keiin azamattarda immýnitettiń qalyptasýyna múmkindik beredi. «Spýtnik V» vaktsinasynyń ekinshi komponenti jetkilikti mólsherde bar ekenin aita ketý kerek.
Osy aptada ekinshi komponenttiń vaktsinalary 400 myń dana kóleminde keledi dep kútilýde. Koronavirýstyq infektsiiaǵa qarsy vaktsinalardy elge jetkizý kestege sáikes júrgizilýde jáne jetkilikti mólsherde, tapshylyq baiqalmaidy.
QR Densaýlyq saqtaý ministrligi barlyq azamattardy sanitarlyq normalardy ǵana emes, aqparattyq gigiena erejelerin de qatań saqtaýǵa shaqyrady. Bul, eń aldymen, ártúrli bailanys arnalary arqyly taratylatyn jalǵan jáne arandatýshylyq aqparattarǵa senbei, koronavirýstyq infektsiiamen kúres jónindegi resmi kózderden alynǵan aqparatty paidalanýdy bildiredi.
