Densaýlyq saqtaý ministrligi men ákimdikter epidemiologiialyq jaǵdaidy baqylaýda ustaýy qajet. Bul týraly Úkimet otyrysynda QR Premer-Ministri Asqar Mamin aitty, dep habarlaidy "Ult aqparat".
«Jalpy sanitariialyq-epidemiologiialyq jaǵdai jaqsaryp keledi. Virýstyń reprodýktivtilik indeksi - 0,9. Aýrýhanalar men jansaqtaý bólimderinde adamdardyń sany azaiyp keledi. «Qyzyl» aimaqta elorda ǵana qaldy. Jalpy 13 óńir, iaǵni basym bóligi - «jasyl» aimaqta, 3 óńir - «sary» aimaqta», - dedi Úkimet basshysy.
Onyń atap ótýinshe, búgingi kúni 2,5 millionnan astam adam vaktsinanyń birinshi komponentin jáne shamamen 1,4 millionnan astam adam ekinshi komponentin aldy.
«Densaýlyq saqtaý ministrligi men ákimdikter epidemiologiialyq jaǵdaidy baqylaýda ustaýy qajet. Nur-Sultan qalasynyń ákimdigi sanitariialyq-epidemiologiialyq sharalardyń saqtalýy men vaktsinatsiiaǵa erekshe nazar aýdarsyn. Betperde rejimi saqtalsyn, ásirese, ǵimarattardyń ishinde. Monitoringtik toptar jumysyn jandandyrsyn», - dedi Asqar Mamin.
