QR Densaýlyq saqtaý vitse-ministri Oljas Ábishev «Tsifrlyq densaýlyq saqtaý keńistiginde obektilik sáikestendirgishti berý týraly» erejeni bekitti, dep habarlaidy "Ult aqparat" ministrliktiń baspasóz qyzmetine silteme jasap.
Baspasóz qyzmetiniń málimetinshe, atalmysh qujat meditsinalyq aqparattyq júieler ózara kommýnikatsiia kezinde almasatyn aqparattyń maǵynasyn birdei túsinýdi qamtamasyz etedi.
Aita keterligi, obektilik sáikestendirgish – bul obektilerdi álemdik mekenjai keńistiginde sáikestendiretin aqparattyq júieniń obektisimen bailanysty tsifrlardyń biregei jiyntyǵy.
Ereje Densaýlyq saqtaý ministrliginiń obektilerin ISO 9834 halyqaralyq standartynyń talaptaryna sai tirkeýdiń ierarhiialyq qurylymyn, atap aitqanda, obektilik sáikestendirgishti tirkeý, júrgizý, paidalaný rásimin retteidi.
Usynylǵan jańa ereje bir platformada meditsinalyq derekterdi biryńǵai ortalyqtandyrylǵan júiede saqtaýǵa múmkindik beredi. Iaǵni, bul úlken derekterdi qosymsha óńdeýsiz almasýǵa jol ashady.
Qujattyń tolyq mátinimen myna siltemede tanysýǵa bolady.
