Pandemiiaǵa qarsy kúreske qatysqan meditsina qyzmetkerlerine áleýmettik ótemaqy tóleý – Densaýlyq saqtaý ministrligi aldyndaǵy mańyzdy máseleniń biri bolyp qala beredi. Bul taqyrypty búgin Májilistegi «Nur Otan» fraktsiiasynyń depýtattary talqylady, dep habarlaidy "Ult aqparat".
Elimizde 12 830 meditsina qyzmetkeri koronavirýs infektsiiasy men pnevmoniia juqtyrǵan, óńirlerdegi komissiia 8 333 ótinishti qarap, onyń 5 626-syn rastady, al 3 603 meditsina qyzmetkeri ústemaqy aldy.
«Elimizdiń barlyq óńirinde ótemaqy tóleý isi baiaý júrýde. Óitkeni meditsina qyzmetkerlerine tólemderdi rásimdeý kezinde kóptegen zańbuzýshylyqqa jol beriledi. Mysaly, aimaqtar Densaýlyq saqtaý ministrliginiń aqparattyq bazasyna 958 ótinimdi múldem engizbegen, al óńirler bergen málimetterdiń sapasyz bolýyna bailanysty 567 ótinim Densaýlyq saqtaý ministrliginiń aqparattyq júiesine qabyldanbady», delingen habarlamada.
Keri qaitarylǵan ótinim, ásirese, Atyraý oblysynda kóp – 188, ShQO – 151, Almaty qalasynda – 97, Almaty oblysynda – 52, Qyzylorda oblysynda – 37, Nur-Sultan qalasynda - 22 tirkeledi.
Kóbine diagnoz statsionarlyq naýqastardyń elektrondy tirkeliminde tabylmaǵan jáne qujattar tolyq emes. MÁSQ tarapynan 265 ótinish qabyldanbaǵan.
Qaitys bolǵan meditsina qyzmetkerleriniń otbasyna ótemaqy tóleý máselesine kelsek. Óńirlik komissiialar 80 ótinimdi qarap, 55-in maquldady, derekter tolyq bolmaǵandyqtan olardyń 12-sin Densaýlyq saqtaý ministrligi men Eńbek ministrligi qabyldamady.
«Memleket basshysynyń áriptesterimizge ótemaqy tóleý jónindegi tapsyrmasyn sapaly júzege asyrýǵa kedergi keltiretin birqatar ózekti problema bar ekenin biz moiyndaimyz», - dedi Densaýlyq saqtaý ministri.
Sonymen qatar, elimizde maýsym-shilde ailarynda aýrý sharyqtaý shyńyna jetti, dál osy kezeńde meditsina qyzmetkerleriniń 75% syrqattanyp qaldy. Biraq adam resýrstarynyń limiti bizge infektsiiany ýaqtyly tekserýge múmkindik bermedi. Qajetti qujattar kesh engizilgen.
Klinikalyq hattamalardyń jii tolyqtyrylýyna bailanysty - 13 ret qaita qaraldy, koronavirýs infektsiiasynyń virýstyq yqtimal jaǵdaiyn (PTR-) kodtaýdyń biryńǵai tásili bolmady. Sondai-aq, SES mamandarynyń jetispeýshiliginen epidemiologiialyq tekserý júrgizý kezinde juqtyrý kózin anyqtaýda qiyndyqtar boldy jáne banktik shottar, JSN, tólqujat derekteri qate toltyrylǵan, aqparattyq júielerge ótinim tolyq usynylmaǵan.
Densaýlyq saqtaý ministrligi joǵaryda atalǵan máselelerdi sheshý úshin onlain jumys tobyn qurdy, MÁSQ-men birlesip tiptik qatelerdi taldaý boiynsha keńes ótkizdi, sondai-aq biz aýrýlardy kodtaý ádisin taǵy da túsindirdik. Osynyń barlyǵy MÁSQ deńgeiinde qabyldanbaǵan ótinimder sanyn eki esege qysqartýǵa múmkindik berdi.
