Ekinshi toqsanda mektep oqýshylary qandai formatta oqidy? Bul suraqqa Densaýlyq saqtaý vitse-ministri Ajar Ǵinaiat jaýap berdi, dep habarlaidy "Ult aqparat".
«Balalardyń mektepke barýy jóninde másele eldegi epidemiologiialyq jaǵdaiǵa bailanysty bolady. Úkimet janyndaǵy vedomstvoaralyq komissiia kúnde jumys júrgizýde. Ol komissiianyń quramyna Bilim jáne ǵylym ministrliginiń ókilderi de enedi. Sol sebepti bul suraq keiin sheshiletin bolady», - dedi Ajar Ǵinaiat.
Eske sala ketsek, buǵan deiin bul suraqqa Bilim jáne ǵylym ministrligi jaýap berip, sheshimdi Densaýlyq saqtaý ministrliginen kútip otyrǵanyn habarlaǵan edi.
«Mektep jumysynyń formaty kinoteatrlar, saýda ortalyqtary, fitnes-ortalyqtar sekildi sanitariialyq dárigerlerdiń sheshimi men epidemiologiialyq ahýalǵa bailanysty bolady. Tek shynaiy aqparat kózderine senýge shaqyramyz. Jalǵan aqparat taratqan adamdar qylmystyq jaýapkershilikke tartylatynyn eskertemiz», - degen bolatyn BǴM baspasóz hatshysy Gaýhar Omarbek.
