Foto: Freepik
Almatyda qyzylsha órshigen mektepte bala tym kóp. Bul týraly Densaýlyq saqtaý ministri Ajar Ǵiniiat málimdedi, - dep habarlaidy Tengrinews.kz saity.
Ministrdiń aitýynsha, biyl qyzylsha aýrýy kóbeigen. Mektep oqýshylary demalysta bolǵan kezde kórsetkishter tómendegen, biraq oqý jyly bastalǵanda jaǵdai taǵy da ýshyǵa túsken. Ásirese bir ýaqytta kóp bala sabaq oqityn jerde.
"Osy jaǵdaiǵa kelsek (Almatydaǵy - esk.), bul mektepte bala sany kóp. Ol jerde mektep basshylary epidemiologtarmen birlesip aýrýdyń aldyn alý sharalaryn qabyldady (kelisildi - esk.), balalardy inkýbatsiialyq kezeńge, 21 kúndik baqylaýǵa, qashyqtan oqýǵa jiberý", - dedi Ǵiniiat OQK-da ótken brifingte.
Naýqas balamen bailanysta bolǵan barlyq bala, ministrdiń aitýynsha, "jedel anyqtaý, oqshaýlaý jáne jedel emdeý úshin" inkýbatsiialyq kezeń ótkenge deiin baqylaýda bolady.
Eske sala keteiik, Almatydaǵy №172 mekteptiń bastaýysh synyp oqýshylary qyzylshaǵa bailanysty bir aiǵa jýyq ýaqytqa qashyqtan oqýǵa jiberilgeni belgili bolǵan edi.
