QR Densaýlyq saqtaý ministrligi Almaty qalasynyń Bas sanitar dárigerin taǵaiyndaýǵa qatysty túsinikteme berdi, dep habarlaidy QazAqparat.
«QR Densaýlyq saqtaý ministri men onyń vitse-ministrleri arasynda mindetterdi bólýge sáikes («Qazaqstan Respýblikasynyń Ministri, birinshi vitse-ministri jáne densaýlyq saqtaý vitse-ministrleri arasynda mindetterdi bólý týraly» QR Densaýlyq saqtaý ministriniń 2020 jylǵy 30 qyrkúiektegi № 625 buiryǵyna ózgerister engizý týraly» 2021 jylǵy 15 jeltoqsandaǵy №818 buiryǵy), halyqtyń sanitariialyq-epidemiologiialyq salamattylyǵyn qamtamasyz etý máselelerin sheshý QR Densaýlyq saqtaý vitse-ministri – QR Bas memlekettik sanitarlyq dárigeri bas sanitar dáriger Erlan Qiiasov tyń quzyretine jatady», - delingen túsindirmede.
Iaǵni, QR Densaýlyq saqtaý ministriniń 2022 jylǵy 22 sáýirdegi №228 buiryǵynyń 2-tarmaǵyna sáikes, oblystardyń, respýblikalyq mańyzy bar qalalardyń jáne astananyń (kóliktegi) bas sanitar dárigerleri men olardyń orynbasarlaryn QR Bas sanitar dárigeri aiqyndaidy.
«Kórsetilgen tarmaqtyń talaptaryn saqtai otyryp, Q.Ábdijabbarova QR Densaýlyq saqtaý vitse-ministri – QR Bas memlekettik sanitariialyq dárigeri E.A. Qiiasovtyń 2022 jylǵy 12 qańtardaǵy № 15 buiryǵymen Almaty qalasynyń bas memlekettik sanitariialyq dárigeri bolyp aiqyndaldy.
Al Sádýaqas Neǵmetýluly Baiǵabulov QR Densaýlyq saqtaý vitse-ministri – Bas memlekettik sanitarlyq dárigeriniń 2021 jylǵy 23 sáýirdegi № 236 qaýlysy qosymshasyna sáikes, Almaty qalasynyń Bas memlekettik sanitarlyq dárigeriniń orynbasary bolyp tabylady jáne Bas memlekettik sanitarlyq dáriger ýaqytsha bolmaǵan kezeńde onyń mindetterin atqarady», - dep jazylǵan DSM málimetinde.
Ministrlik osynyń bárin tize kelip, Almaty qalasynyń Bas sanitar dárigeri Q.Ábdijabbarovany taǵaiyndaýda eshqandai jańylysý jáne sabaqtastyqtyń bolmaýy joqtyǵyn málimdedi.
