Foto: wifi.kz
Túrkistan oblysynda dron arqyly júrgizilgen tekseris nátijesinde jer qoinaýyn zańsyz paidalaný deregi áshkerelendi. Qursai ózeni boiynda qum-qiyrshyqtas qospasy ruqsatsyz óndirilgeni anyqtaldy, dep habarlaidy Ult.kz Bas prokýratýraǵa silteme jasap.
Baqylaý sharalary barysynda Saýran aýdanyna qarasty Shaǵa aýyldyq okrýgi aýmaǵynda zańsyz karer jumysy júrgizilgeni belgili boldy.
«Tártiptik teris qylyqqa jol bergen Shaǵa aýyldyq okrýginiń ákimin qyzmetinen bosatýǵa usynys jasaldy. Sondai-aq aýdan ákiminiń orynbasary men jergilikti politsiia qyzmetkerleri tártiptik jaýapkershilikke tartyldy», – delingen prokýratýra habarlamasynda.
Sonymen qatar, prokýrorlyq qadaǵalaý nátijesinde zańsyz jasalǵan memorandýmnyń kúshi joiyldy.
