Qarjy ministri Erulan Jamaýbaev pen «QTJ» UK» AQ Basqarma Tóraǵasy Nurlan Saýranbaev «KTZE-Khorgos Gateway» qurlyq portynyń, «Nur joly» jáne «Altynkól» ótkizý pýnktteriniń jumysyn tekserdi, dep habarlaidy "Ult aqparat" «Qazaqstan temir joly «UK» AQ baspasóz qyzmetine silteme jasap.
Jumys sapary barysynda syrtqy ekonomikalyq qyzmet qatysýshylarymen kezdesý ótkizilip, onda qazaqstandyq-qytailyq shekaradaǵy biznes júrgizýdiń ashyqtyǵyn arttyrý máseleleri talqylandy.
Sapar qorytyndysy boiynsha Dostyq jáne Altynkól shekara mańydaǵy temirjol stantsiialarynyń basshylary óz qyzmetterinen bosatyldy.
Aita keteiik, 11 qańtarda Prezident Qasym-Jomart Toqaev kedendegi bylyqtardy joiýdy tapsyrǵan bolatyn. Ásirese, Qytai shekarasyndaǵy keden beketterinde tártipsizdikter kóp.
"Ortalyq Aziia – QHR" onlain sammitinde Memleket basshysy keden shekarasyndaǵy tártipti ornatý jumystyranyń bastalyp ketkenin aitty.
"Biz keden shekarasynda tártip ornatý boiynsha tiimdi jumystardy bastadyq. Sonymen qatar zańsyz áreket arqyly biznes úshin túrli kedergi keltirgen kásipkerlermen kúres júrgizip jatyrmyz. Zańǵa qaishy mundai áreketterge qarsy baǵyttalǵan jumys jaqyn ýaqytta nátijesin beredi dep senemin", - dedi Toqaev.
