«Dostyq» kanalynyń qazaqstandyq bóligine sý berý kólemi ulǵaidy, dep habarlaidy "Ult aqparat" QR Ekologiia, geologiia jáne tabiǵi resýrstar minnistrliginiń baspasóz qyzmetine silteme jasap.
Qazaqstan Respýblikasy men Tájikstan Respýblikasynyń Premer-Ministrleri telefon arqyly sóilesý qorytyndysy boiynsha qol jetkizilgen ýaǵdalastyqqa sáikes 26 shildede Dýshanbe qalasynda Qazaqstan Respýblikasynyń Ekologiia, geologiia jáne tabiǵi resýrstar ministri M. Myrzaǵalievtiń Tájikstan Respýblikasynyń Energetika jáne sý sharýashylyǵy ministri D. Djýmamen ekijaqty kezdesýi ótti.
Kezdesý barysynda taraptar eki eldiń sý sharýashylyǵynyń máselelerin talqylady.
Qazaqstan tarapy Bahri-Tochik sý qoimasynan sý tastaýdy ulǵaitqany úshin tájik tarapyna alǵys bildirdi.
Máselen, Túrkistan oblysynyń aýyl sharýashylyǵy taýar óndirýshilerin sýmen qamtamasyz etý maqsatynda «Dostyq» kanalynyń qazaqstandyq bóligine sý berý 80 m3/s-nan 100 m3/s-qa deiin ulǵaityldy.
«Taraptar Syrdariia ózeniniń orta jáne tómengi aǵysyndaǵy sý sharýashylyǵy jaǵdaiyn jaqsartý jónindegi birlesken sharalardy jalǵastyrýǵa kelisti»,-delingen habarlamada.
