Foto: camera.ru
Kináli 5 ai boiy dostarymen bes juldyzdy qonaqúi bólmelerinde turyp, qymbat meiramhanalarda keshki as iship, dámdi taǵamdarǵa tapsyrys berip, elitalyq erler kiim dúkenderinen kiim-keshek satyp alyp, bank atynan rastalmaǵan tólem tapsyrmalaryn bergen. Bul týraly Ult.kz habarlaidy.
Astana qalasynyń prokýratýrasynyń málimetinshe jábirlenýshiler óz kezeginde tólem qujattarynyń túpnusqasyn teksermei, oǵan taýarlar men qyzmetterdi kórsetken.
Sottalýshy tólem qujattaryn banktik qosymsha arqyly jibergen, biraq is júzinde shotta qarajat bolmaǵan.
Mysaly, alaiaq qonaqúide bólmelerdi brondap, birneshe kún boiy dostarymen birge tamaq pen sýsynǵa tapsyrys berip, turaqtaǵan. Qonaq úi qyzmetkerlerin aldaý jáne senimine qiianat jasaý arqyly ol joǵaryda atalǵan tólem tapsyrmalaryn bergen. Onyń qylmystyq áreketteriniń nátijesinde jábirlenýshige 4,4 mln teńge kóleminde iri mólsherde materialdyq shyǵyn keltirilgen.
Aqshanyń túspegenin bilgen jábirlenýshiler quqyq qorǵaý organdaryna habarlasqan.
"Sottalýshy óz kinásin tolyq moiyndap, alaiaqtyqqa áleýmettik jelilerde tanymal bolý úshin barǵanyn, ol jerde ózin tabysty kásipker retinde kórsetip, sýretin jariialaǵanyn kórsetti. Keltirilgen shyǵynnyń jalpy somasy 8 mln teńgeden astamdy qurady. Sottalýshy 3 jylǵa bas bostandyǵynan aiyrý jazasyna sottaldy. Keltirilgen materialdyq shyǵyn óndirildi", - delingen habarlamada.
Úkim zańdy kúshine engen joq.
Qala prokýratýrasy usynylǵan tólemdi rastaityn qujattardyń durystyǵyn ýaqtyly tekserýdi usynady.
