2021 jyldyń ekinshi jartysynda «Tsifrlyq teńge» ilki jobasy iske asyryla bastaidy. Bul týraly búgin Úkimet otyrysynda QR Ulttyq bank tóraǵasy Erbolat Dosaev aitty, dep habarlaidy "Ult aqparat".
«Osy jylǵy 5 mamyrda Ulttyq bank tsifrlyq valiýta sheshetin mindetterdi, olardy shyǵarý jáne taratý ádisin, qoldanylatyn tehnologiiany, aqsha-kredit saiasatyna, qarjylyq turaqtylyqqa jáne tólem qyzmetteri naryǵyna áserin anyqtai otyryp, jariia talqylaý jáne artyqshylyqtar men táýekelderdi jan-jaqty zertteý úshin «Tsifrlyq teńge» baiandamasyn jariialady», - dedi Erbolat Dosaev.
Onyń atap ótýinshe, baiandamada tsifrlyq valiýtanyń tehnologiialyq jáne ekonomikalyq sipaty, Ulttyq banktiń tsifrlyq teńgeni zertteý jáne engizý tásilderi, yqtimal áserlerdi aldyn ala baǵalaý, sondai-aq pilottyq jobanyń sipattamasy máseleleri qamtylǵan.
«Engizýdiń yqtimal áserlerin zertteý nátijeleri, ilki jobanyń qorytyndysy jáne múddeli taraptarmen talqylaý boiynsha tsifrlyq teńgeni engizý qajettiligi týraly sheshim qabyldanady jáne jol kartasy ázirlenedi. Ilki joba 2021 jyldyń ekinshi jartysynda iske asyrylatyn bolady», - dedi Ulttyq bank tóraǵasy.
