Foto: Akorda.kz
Prezident Qasym-Jomart Toqaev Almaty qalasynyń ákimi Erbolat Dosaevty qabyldady, dep habarlaidy "Ult aqparat" Aqordanyń baspasóz qyzmetine silteme jasap.
Memleket basshysyna Almaty qalasynyń biylǵy 9 aidaǵy áleýmettik-ekonomikalyq damýynyń aldyn ala qorytyndysy týraly baiandaldy.
Prezidentke qala ekonomikasynyń qarqyndy ósip kele jatqany, qysqa merzimdi ekonomikalyq indikator jyl basynan beri 13,5 paiyzǵa kóterilgeni jóninde málimet berildi. Óńdeý ónerkásibiniń damý qarqyny (+21%) boiynsha Almaty elimizde turaqty túrde birinshi orynda keledi. Megapolis ekonomikasyna 1 trillion teńgeden astam investitsiia tartyldy. Bul rette jeke investitsiialardyń ósimi 7,3 paiyzdy qurady. Belsendi jumys istep turǵan shaǵyn jáne orta biznes sýbektileriniń sany 341 myńǵa deiin jetip, 25,8 paiyzǵa artty. Respýblikalyq biýdjettiń túsimi 38,4 paiyzǵa ósip, 3,91 trillion teńgege deiin jetti. Jergilikti biýdjettiń túsimine qatysty jospar 28,7 paiyzǵa (243 mlrd teńge) asyra oryndaldy. Jyl basynan beri 58,7 myń jumys orny ashyldy, onyń 77 paiyzy turaqty jumys orny. 2023 jyldyń qorytyndysy boiynsha ekonomika ósiminiń qarqyny 6,5 paiyzǵa deiin jetedi degen boljam bar.
Qasym-Jomart Toqaevqa biylǵy 18 tamyzda Almaty qalasyn damytý máseleleri jónindegi keńeste berilgen tapsyrmalarynyń oryndalý barysy týraly baiandaldy. Seismikalyq qaýipsizdikti qamtamasyz etý úshin jer silkinisi týraly aldyn ala habarlaityn 28 seismostantsiia ornatý jumystary tolyǵymen aiaqtaldy. Tótenshe jaǵdai kezinde adamdar jinalatyn 545 qaýipsiz oryn anyqtaldy. Meditsinalyq qyzmet kórsetý sapasyn arttyrý úshin Alǵashqy meditsinalyq-sanitarlyq kómektiń biryńǵai standarty ázirlendi. Jyl basynan beri ólim-jitim kórsetkishi 11 paiyzǵa, ana ólimi 32,4 paiyzǵa, bala ólimi 35,5 paiyzǵa tómendedi. Bilim berý salasynda 4,9 myń oqýshyǵa arnalǵan 10 mektep jáne 4 qosymsha oqý korpýsy salyndy.
Memleket basshysynyń tapsyrmasy boiynsha qalany kógaldandyrýǵa jáne qoǵamdyq keńistikti damytýǵa erekshe nazar aýdarylady. Jyl sońyna deiin qaladaǵy jasyl-jelek kólemi jan basyna shaqqanda 12,3 sharshy metrge deiin ulǵaiady. Almaty qalasynyń ákimi jyl basynan beri jasyl-jelekti avtomattandyrylǵan sýarý júiesimen qamtý kórsetkishi 3,4 ese óskenin málimdedi. Biylǵy 9 aida 405 gektar aýmaqta jumys júrgizildi. Jyl sońyna deiin bul kórsetkish 587 gektarǵa deiin jetkiziledi.
Sonymen qatar Prezidentke Almatydaǵy ortalyqsyzdandyrý isiniń aralyq nátijeleri tanystyryldy. Memleket basshysy qoldaǵan bastama aiasynda aýdan ákimdikterine olardyń biýdjetterin 3,1 esege, iaǵni 184,3 milliard teńgege deiin ulǵaita otyryp, 15 fýnktsiia berildi. Búginde 196 myń sharshy metr jolǵa aǵymdaǵy jóndeý jumystary júrgizildi. 100 shaqyrymnan astam sýmen jabdyqtaý jáne sý tartý jelileri jáne t.b. salyndy.
Kezdesý sońynda Qasym-Jomart Toqaev turǵyndardy sapaly sýmen, sý burý jelilerimen qamtamasyz etý, investitsiia tartý jónindegi sharalardy kúsheitý, sondai-aq Almaty aglomeratsiiasymen kólik bailanysyn jaqsartý jónindegi jobalardy odan ári iske asyrýǵa erekshe nazar aýdarýdy tapsyrdy.
