فوتو: Akorda.kz
پرەزيدەنت قاسىم-جومارت توقاەۆ الماتى قالاسىنىڭ ەكٸمٸ ەربولات دوساەۆتى قابىلدادى, دەپ حابارلايدى "ۇلت اقپارات" اقوردانىڭ باسپاسٶز قىزمەتٸنە سٸلتەمە جاساپ.
مەملەكەت باسشىسىنا الماتى قالاسىنىڭ بيىلعى 9 ايداعى ەلەۋمەتتٸك-ەكونوميكالىق دامۋىنىڭ الدىن الا قورىتىندىسى تۋرالى باياندالدى.
پرەزيدەنتكە قالا ەكونوميكاسىنىڭ قارقىندى ٶسٸپ كەلە جاتقانى, قىسقا مەرزٸمدٸ ەكونوميكالىق ينديكاتور جىل باسىنان بەرٸ 13,5 پايىزعا كٶتەرٸلگەنٸ جٶنٸندە مەلٸمەت بەرٸلدٸ. ٶڭدەۋ ٶنەركەسٸبٸنٸڭ دامۋ قارقىنى (+21%) بويىنشا الماتى ەلٸمٸزدە تۇراقتى تٷردە بٸرٸنشٸ ورىندا كەلەدٸ. مەگاپوليس ەكونوميكاسىنا 1 تريلليون تەڭگەدەن استام ينۆەستيتسييا تارتىلدى. بۇل رەتتە جەكە ينۆەستيتسييالاردىڭ ٶسٸمٸ 7,3 پايىزدى قۇرادى. بەلسەندٸ جۇمىس ٸستەپ تۇرعان شاعىن جەنە ورتا بيزنەس سۋبەكتٸلەرٸنٸڭ سانى 341 مىڭعا دەيٸن جەتٸپ, 25,8 پايىزعا ارتتى. رەسپۋبليكالىق بيۋدجەتتٸڭ تٷسٸمٸ 38,4 پايىزعا ٶسٸپ, 3,91 تريلليون تەڭگەگە دەيٸن جەتتٸ. جەرگٸلٸكتٸ بيۋدجەتتٸڭ تٷسٸمٸنە قاتىستى جوسپار 28,7 پايىزعا (243 ملرد تەڭگە) اسىرا ورىندالدى. جىل باسىنان بەرٸ 58,7 مىڭ جۇمىس ورنى اشىلدى, ونىڭ 77 پايىزى تۇراقتى جۇمىس ورنى. 2023 جىلدىڭ قورىتىندىسى بويىنشا ەكونوميكا ٶسٸمٸنٸڭ قارقىنى 6,5 پايىزعا دەيٸن جەتەدٸ دەگەن بولجام بار.
قاسىم-جومارت توقاەۆقا بيىلعى 18 تامىزدا الماتى قالاسىن دامىتۋ مەسەلەلەرٸ جٶنٸندەگٸ كەڭەستە بەرٸلگەن تاپسىرمالارىنىڭ ورىندالۋ بارىسى تۋرالى باياندالدى. سەيسميكالىق قاۋٸپسٸزدٸكتٸ قامتاماسىز ەتۋ ٷشٸن جەر سٸلكٸنٸسٸ تۋرالى الدىن الا حابارلايتىن 28 سەيسموستانتسييا ورناتۋ جۇمىستارى تولىعىمەن اياقتالدى. تٶتەنشە جاعداي كەزٸندە ادامدار جينالاتىن 545 قاۋٸپسٸز ورىن انىقتالدى. مەديتسينالىق قىزمەت كٶرسەتۋ ساپاسىن ارتتىرۋ ٷشٸن العاشقى مەديتسينالىق-سانيتارلىق كٶمەكتٸڭ بٸرىڭعاي ستاندارتى ەزٸرلەندٸ. جىل باسىنان بەرٸ ٶلٸم-جٸتٸم كٶرسەتكٸشٸ 11 پايىزعا, انا ٶلٸمٸ 32,4 پايىزعا, بالا ٶلٸمٸ 35,5 پايىزعا تٶمەندەدٸ. بٸلٸم بەرۋ سالاسىندا 4,9 مىڭ وقۋشىعا ارنالعان 10 مەكتەپ جەنە 4 قوسىمشا وقۋ كورپۋسى سالىندى.
مەملەكەت باسشىسىنىڭ تاپسىرماسى بويىنشا قالانى كٶگالداندىرۋعا جەنە قوعامدىق كەڭٸستٸكتٸ دامىتۋعا ەرەكشە نازار اۋدارىلادى. جىل سوڭىنا دەيٸن قالاداعى جاسىل-جەلەك كٶلەمٸ جان باسىنا شاققاندا 12,3 شارشى مەترگە دەيٸن ۇلعايادى. الماتى قالاسىنىڭ ەكٸمٸ جىل باسىنان بەرٸ جاسىل-جەلەكتٸ اۆتوماتتاندىرىلعان سۋارۋ جٷيەسٸمەن قامتۋ كٶرسەتكٸشٸ 3,4 ەسە ٶسكەنٸن مەلٸمدەدٸ. بيىلعى 9 ايدا 405 گەكتار اۋماقتا جۇمىس جٷرگٸزٸلدٸ. جىل سوڭىنا دەيٸن بۇل كٶرسەتكٸش 587 گەكتارعا دەيٸن جەتكٸزٸلەدٸ.
سونىمەن قاتار پرەزيدەنتكە الماتىداعى ورتالىقسىزداندىرۋ ٸسٸنٸڭ ارالىق نەتيجەلەرٸ تانىستىرىلدى. مەملەكەت باسشىسى قولداعان باستاما اياسىندا اۋدان ەكٸمدٸكتەرٸنە ولاردىڭ بيۋدجەتتەرٸن 3,1 ەسەگە, ياعني 184,3 ميلليارد تەڭگەگە دەيٸن ۇلعايتا وتىرىپ, 15 فۋنكتسييا بەرٸلدٸ. بٷگٸندە 196 مىڭ شارشى مەتر جولعا اعىمداعى جٶندەۋ جۇمىستارى جٷرگٸزٸلدٸ. 100 شاقىرىمنان استام سۋمەن جابدىقتاۋ جەنە سۋ تارتۋ جەلٸلەرٸ جەنە ت.ب. سالىندى.
كەزدەسۋ سوڭىندا قاسىم-جومارت توقاەۆ تۇرعىنداردى ساپالى سۋمەن, سۋ بۇرۋ جەلٸلەرٸمەن قامتاماسىز ەتۋ, ينۆەستيتسييا تارتۋ جٶنٸندەگٸ شارالاردى كٷشەيتۋ, سونداي-اق الماتى اگلومەراتسيياسىمەن كٶلٸك بايلانىسىن جاقسارتۋ جٶنٸندەگٸ جوبالاردى ودان ەرٸ ٸسكە اسىرۋعا ەرەكشە نازار اۋدارۋدى تاپسىردى.
