Foto: Almaty ákimdiginiń baspasóz qyzmeti
Almaty turǵyndary qala ákiminen megapolistiń eki negizgi dańǵyly nelikten bir mezgilde jóndeýge jabylǵanyn surady, - dep habarlaidy Tengrinews.kz.
Bul másele Erbolat Dosaevtyń Bostandyq aýdanynyń turǵyndarymen kezdesýinde kóterildi.
"Qazir barlyq almatylyqtardy tolǵandyratyn suraq, nelikten eki negizgi jol - Ál-Farabi men Abai kósheleri bir mezgilde jabyldy? nege ainalma joldar nemese basqa qozǵalys baǵyttary jasalmady? Eń mańyzdysy, munyń bárin qashan aiaqtaidy? – dep surady qala turǵyndary.
Buǵan jaýap retinde Dosaev bul dańǵyldardyń 2010 jáne 2012 jyldan beri jóndeý kórmegenin eske saldy. Ákimniń aitýynsha, biyl jaz mezgili asfalttardyń jol qozǵalysyna tótep berý ýaqytynyń sońǵy kezeńi eken.
"Eger meniń sheshimderim bireýlerge qolaisyzdyq týǵyzsa, Bostandyq aýdanynyń turǵyndarynan ǵana emes, búkil Almatynyń turǵyndarynan ózim jáne ákimdik atynan keshirim suraǵym keledi. Biraq ókinishke qarai, úlken megapolisterdi damytý máseleleri, tek Almaty ǵana emes, jol infraqurylymyn retke keltirýge bailanysty bolyp otyr.
Nelikten biz biyl eki negizgi joldy bastadyq? Burynǵy sózimde aitqanymdai, Ál-Farabi kóshesi 2010 jyldan beri, Abai kóshesi 2012 jyldan beri jóndeý kórmegen. Kádimgi kúrdeli jóndeý tsikli bes jyldan, keide jeti jylǵa deiin. Biz eki kúrdeli jóndeý kezeńin ótkizip aldyq. Mamandardyń aitýynsha, biyl osy eki joldy jasamaǵanymyzda, qysta qinalatyn edik. Kelesi jylǵy kóktemde joldyń sapasyna qatysty birneshe másele bar", - dedi Dosaev.
Ol osy dańǵyldardaǵy jóndeý jumystary kezinde ainalma joldardyń bolmaýyna da toqtaldy.
"Eskertýlerimizdi eskerip, ainalma jolmen júrip, kómektesken barlyq basqa turǵyndarǵa alǵysymdy bildiremin, bul da úlken atsalysý, qazirgi jaǵdaidy túsingeni úshin shyn júrekten alǵys aitamyn.
Búginde negizgi kólik keptelisi Ál-Farabi – Jarokov kóshelerinde bastaldy. Eger sizben men júretin jol infraqurylymyna qarasańyz, onda Dýlati kóshesinde apattyq joldar joq jáne biz keri qozǵalys jasai almaimyz. Rozybakiev pen Jarokov kóshelerinde jol airyǵy qarsy jolaqta qozǵalysty durys uiymdastyrýǵa múmkindik bermeidi. Sondyqtan keshe alǵashqy múmkindik túsken boida biz Syrǵabekovten Esentai kópirine deiingi keri qozǵalysty ashyp, negizgi júktemeni alyp tastadyq. Biz ál-Farabidiń ońtústik jaǵyn jóndeý kezinde sabaq aldyq jáne osy tájiribeni soltústik bóliginde de eskeretin bolamyz", - dedi Almaty ákimi.
Sondai-aq Erbolat Dosaev Ál-Farabi men Abai dańǵyldaryndaǵy kólik qozǵalysyn saǵat saiyn jeke baqylaýynda ustaitynyn málimdedi.
