فوتو: الماتى ەكٸمدٸگٸنٸڭ باسپاسٶز قىزمەتٸ
الماتى تۇرعىندارى قالا ەكٸمٸنەن مەگاپوليستٸڭ ەكٸ نەگٸزگٸ داڭعىلى نەلٸكتەن بٸر مەزگٸلدە جٶندەۋگە جابىلعانىن سۇرادى, - دەپ حابارلايدى Tengrinews.kz.
بۇل مەسەلە ەربولات دوساەۆتىڭ بوستاندىق اۋدانىنىڭ تۇرعىندارىمەن كەزدەسۋٸندە كٶتەرٸلدٸ.
"قازٸر بارلىق الماتىلىقتاردى تولعاندىراتىن سۇراق, نەلٸكتەن ەكٸ نەگٸزگٸ جول - ەل-فارابي مەن اباي كٶشەلەرٸ بٸر مەزگٸلدە جابىلدى? نەگە اينالما جولدار نەمەسە باسقا قوزعالىس باعىتتارى جاسالمادى? ەڭ ماڭىزدىسى, مۇنىڭ بەرٸن قاشان اياقتايدى? – دەپ سۇرادى قالا تۇرعىندارى.
بۇعان جاۋاپ رەتٸندە دوساەۆ بۇل داڭعىلداردىڭ 2010 جەنە 2012 جىلدان بەرٸ جٶندەۋ كٶرمەگەنٸن ەسكە سالدى. ەكٸمنٸڭ ايتۋىنشا, بيىل جاز مەزگٸلٸ اسفالتتاردىڭ جول قوزعالىسىنا تٶتەپ بەرۋ ۋاقىتىنىڭ سوڭعى كەزەڭٸ ەكەن.
"ەگەر مەنٸڭ شەشٸمدەرٸم بٸرەۋلەرگە قولايسىزدىق تۋعىزسا, بوستاندىق اۋدانىنىڭ تۇرعىندارىنان عانا ەمەس, بٷكٸل الماتىنىڭ تۇرعىندارىنان ٶزٸم جەنە ەكٸمدٸك اتىنان كەشٸرٸم سۇراعىم كەلەدٸ. بٸراق ٶكٸنٸشكە قاراي, ٷلكەن مەگاپوليستەردٸ دامىتۋ مەسەلەلەرٸ, تەك الماتى عانا ەمەس, جول ينفراقۇرىلىمىن رەتكە كەلتٸرۋگە بايلانىستى بولىپ وتىر.
نەلٸكتەن بٸز بيىل ەكٸ نەگٸزگٸ جولدى باستادىق? بۇرىنعى سٶزٸمدە ايتقانىمداي, ەل-فارابي كٶشەسٸ 2010 جىلدان بەرٸ, اباي كٶشەسٸ 2012 جىلدان بەرٸ جٶندەۋ كٶرمەگەن. كەدٸمگٸ كٷردەلٸ جٶندەۋ تسيكلٸ بەس جىلدان, كەيدە جەتٸ جىلعا دەيٸن. بٸز ەكٸ كٷردەلٸ جٶندەۋ كەزەڭٸن ٶتكٸزٸپ الدىق. مامانداردىڭ ايتۋىنشا, بيىل وسى ەكٸ جولدى جاساماعانىمىزدا, قىستا قينالاتىن ەدٸك. كەلەسٸ جىلعى كٶكتەمدە جولدىڭ ساپاسىنا قاتىستى بٸرنەشە مەسەلە بار", - دەدٸ دوساەۆ.
ول وسى داڭعىلدارداعى جٶندەۋ جۇمىستارى كەزٸندە اينالما جولداردىڭ بولماۋىنا دا توقتالدى.
"ەسكەرتۋلەرٸمٸزدٸ ەسكەرٸپ, اينالما جولمەن جٷرٸپ, كٶمەكتەسكەن بارلىق باسقا تۇرعىندارعا العىسىمدى بٸلدٸرەمٸن, بۇل دا ٷلكەن اتسالىسۋ, قازٸرگٸ جاعدايدى تٷسٸنگەنٸ ٷشٸن شىن جٷرەكتەن العىس ايتامىن.
بٷگٸندە نەگٸزگٸ كٶلٸك كەپتەلٸسٸ ەل-فارابي – جاروكوۆ كٶشەلەرٸندە باستالدى. ەگەر سٸزبەن مەن جٷرەتٸن جول ينفراقۇرىلىمىنا قاراساڭىز, وندا دۋلاتي كٶشەسٸندە اپاتتىق جولدار جوق جەنە بٸز كەرٸ قوزعالىس جاساي المايمىز. روزىباكيەۆ پەن جاروكوۆ كٶشەلەرٸندە جول ايرىعى قارسى جولاقتا قوزعالىستى دۇرىس ۇيىمداستىرۋعا مٷمكٸندٸك بەرمەيدٸ. سوندىقتان كەشە العاشقى مٷمكٸندٸك تٷسكەن بويدا بٸز سىرعابەكوۆتەن ەسەنتاي كٶپٸرٸنە دەيٸنگٸ كەرٸ قوزعالىستى اشىپ, نەگٸزگٸ جٷكتەمەنٸ الىپ تاستادىق. بٸز ەل-فارابيدٸڭ وڭتٷستٸك جاعىن جٶندەۋ كەزٸندە ساباق الدىق جەنە وسى تەجٸريبەنٸ سولتٷستٸك بٶلٸگٸندە دە ەسكەرەتٸن بولامىز", - دەدٸ الماتى ەكٸمٸ.
سونداي-اق ەربولات دوساەۆ ەل-فارابي مەن اباي داڭعىلدارىنداعى كٶلٸك قوزعالىسىن ساعات سايىن جەكە باقىلاۋىندا ۇستايتىنىن مەلٸمدەدٸ.
