Kórneki sýret: lotosgtrk.ru: UGC
Almaty ákimi Erbolat Dosaev eski paneldi úilerdi buzýǵa qatysty ustanymyn aitty, - dep habarlaidy Tengrinews.kz portaly.
Áýezov aýdanynyń turǵyndarymen kezdesýde qala turǵyndarynyń biri qala tarihyn saqtap qalýdy surady.
"Meniń usynysym qala ákimi retinde sizge. Sizden qala tarihyn saqtap qalýdy suraimyn. Eger qalada jańa turǵyn úi salatyn bolsańyzdar, ortalyqqa tiispeńizder, óitkeni bul bizdiń tarihymyz, jáne almatylyq retinde maǵan bul óte mańyzdy", - dedi turǵyn.
Dosaevtyń aitýynsha, ótken jyly abattandyrýdy shekteitin normalar qabyldanǵan. Jańa jobalardyń barlyǵy Almaty qalasynyń qala qurylysy keńesinde qaralady.
"Ortalyqty qazirgi qalpynda saqtaimyz desek, adamdar 1960, 1940 jyly salynǵan kommýnikatsiialarmen ómir súretinin este ustaýymyz kerek. Biz tarihi kelbetti barynsha saqtaýǵa tyrysamyz, biraq modernizatsiia sózsiz júzege asady, óitkeni adamdar basqalar siiaqty órkeniettiń barlyq igiligin qoldanǵysy keledi.
Ókinishke orai, paneldi úilerdi jańartý múmkin emes, óz kezinde ADK (Almaty úi qurylysy kombinaty) salǵan, bul úiler tarih, biraq olardy buzý kerek dep oilaimyn. Óitkeni 25 jyldan astam ýaqyt boiy biz ósken yqshamaýdandardaǵy paneldi úiler uzaqqa tótep bere almaidy. Qala jańartylady, tarihi kelbetin saqtaimyz, biraq jańartý baǵdarlamasy, injenerlik infraqurylymdy jańǵyrtý tolyǵymen júzege asady", - dedi Almaty ákimi.
