Foto: ©RIA Novosti
Erbolat Dosaev Almatynyń Ortalyq qalalyq klinikalyq aýrýhanasynda naýqastardan AITV anyqtalýyna qatysty pikir bildirdi, - dep habarlaidy Tengrinews.kz saity.
Medeý aýdanynyń turǵyndarymen kezdesýde megapolis ákiminen Almaty qalasynyń Ortalyq qalalyq klinikalyq aýrýhanasynda naýqastaryń AITV juqtyrýyna qatysty jaǵdai suraldy. Erbolat Dosaev bul fakt boiynsha tekserý jalǵasyp jatqanyn aitty.
"Densaýlyq saqtaý ministriniń tiisti buiryǵy aiasynda reanimatsiiadan soń 30 kúnnen keiin patsientter testilerdi qaita tapsyrýǵa mindetti. 2 jaǵdai anyqtaldy ( keiin taǵy 1 jaǵdai anyqtaldy, jalpy sany - 3). Bekitilgen reglamentke sáikes qalalyq JITS ortalyǵymen birlesip jumys júrgizildi: barlyq retsipientter, meditsinalyq personal, reanimatsiiada bolǵan basqa da patsientter tolyq tekserildi.
Osydan keiin reglamentke sáikes 13 maýsymda barlyq derekter sanitarlyq-epidemiialyq baqylaý departamentine (SSEK) berildi. 14 maýsymda SSEK qajetti kezekten tys tekserýlerdi taǵaiyndady, olar boiynsha búginde jumys jalǵasyp jatyr.
Keshe Densaýlyq saqtaý ministrligi aralyq nátijelerdi jariialady. Bireýdi qyzmetinen bosatý úshin aldymen bári qaidan shyqqanyn túsiný kerek (infektsiia kózi qaida boldy). Komissiia jumysyn aiaqtaǵan kezde Densaýlyq saqtaý ministrligi men Almatynyń qoǵamdyq densaýlyq saqtaý basqarmasy bul týraly habarlaidy. Biz bárin baqylaýda ustaimyz", - dedi shahar basshysy.
