Dopty hokkeiden joǵary liga komandalary arasynda búkilreseilik jarysta óner kórsetetin Oraldyń «Aqjaiyǵy» úshinshi topta qatarynan ekinshi ret jeńiske jetti, dep habarlaidy QazAqparat.
Bul joly oraldyqtar Pervoýralskide «SKA-Sverdlovsk» komandasymen aidynǵa shyqty.
«Aqjaiyq» sport klýbynyń direktory Damir Qalaqovtyń málim etkenindei, oiyn asa tartysty ótti.
Qonaqtar sapynan reseilik Maksim Pahomov eki dop soǵyp, biylǵy maýsymdaǵy gol sanyn 9-ǵa jetkizdi. Reseilik Sergei Bashaev pen Oral dopty hokkeiiniń túlegi Andrei Gýshin de bir-bir goldyń avtory atandy.
Eń sońynda taǵy bir reseilik Aleksandr Slýgin mergendik tanytyp, oraldyq maman Nikolai Shavaldinniń shákirtteri jeńisti julyp aldy. Esep - 5:4.
Erteń qos komanda ekinshi kezdesýin ótkizedi.
Osylaisha úsh oiynnan 6 upai jinaǵan «Aqjaiyq» óz tobynda aldyńǵy qatarda keledi.
