QR «Halyq densaýlyǵy jáne densaýlyq saqtaý júiesi týraly» kodeksine donorlyq máselesi týraly ózgerister engizildi, dep habarlaidy QazAqparat tilshisi.
Bul týraly QR Densaýlyq saqtaý ministri Eljan Birtanov aitty.
«Transplantsiia - zań, meditsina, tehnologiia ǵana emes, úlken etikalyq másele. Kóp memleketterde bul aitylýda. Keshe Hans Kliýge (DDSU Eýropalyq aimaqtyq biýrosynyń direktory - red.) myrza qazir Germaniiada osy másele Parlamentte qarastyrylyp jatyr», - dedi ministr elordada ótken brifingte.
Onyń aitýynsha, árbir memleket donorlyq máselesin óz dástúri, óz tarihy, óz daiyndyǵy boiynsha sheshýi kerek.
«Osyny eskere otyryp, biz halyq densaýlyǵy kodeksi týraly zań jobasyna ózgerister engizdik. Eń mańyzdy másele - qaitys bolǵan adam bizdiń bazalarda óz oi-pikirin bildirmese, eshqandai aqparat bolmasa, sol adamnyń týystary kelisim bergende ǵana, marqum donor bola alady. Al týystary kelisim bermese, donor bolmaidy», - dedi Eljan Birtanov.
